കൂരാച്ചുണ്ട് പഞ്ചായത്തില്‍ അവിശ്വാസ പ്രമേയം പാസായി; പ്രസിഡന്റ് പോളി കാർക്കാട് പുറത്ത്

കോഴിക്കോട്: യുഡിഎഫ് ഭരിക്കുന്ന കോഴിക്കോട് കൂരാച്ചുണ്ട് പഞ്ചായത്തില്‍ അവിശ്വാസ പ്രമേയം പാസായി. കോൺഗ്രസ് സസ്പെൻഡ് ചെയ്ത പഞ്ചായത്ത് പ്രസിഡൻ്റ് പോളി കാർക്കാട് പുറത്തായി. അവിശ്വാസ പ്രമേയത്തെ കോൺഗ്രസും ലീഗും സിപിഎമ്മും അടക്കം 13 ൽ 11 അംഗങ്ങൾ പിന്തുണച്ചു. യുഡിഎഫ് ധാരണപ്രകാരം ലീഗിനായി പ്രസിഡൻ്റ് സ്ഥാനം മാറാതിരുന്നതിനെ തുടർന്നാണ് അവിശ്വാസം പ്രമേയം അവതരിപ്പിച്ചത്.

പോളി കാരക്കട എതിർചേരിയിലേക്ക് പോയാലും ഭരണം നിലനിർത്താനുള്ള ഭൂരിപക്ഷം പഞ്ചായത്തില്‍ യുഡിഎഫിനുണ്ട്. പോളി കാർക്കാട് പുറത്തായതോടെ ഇനി മുസ്ലിം ലീഗിലെ ഒ.കെ അഹമ്മദിനെ പ്രസിഡന്റാക്കി ഭരണം തിരിച്ചുപിടിക്കാനാണ് യുഡിഎഫ് നീക്കം. പ്രസിഡന്റ് സ്ഥാനം മാറണമെന്ന ഡിസിസി നിർദേശം അനുസരിക്കാത്തതിനെ തുടർന്ന് പോളിയെ കോൺഗ്രസ് സസ്പെന്ഡ് ചെയ്തിരുന്നു.