എൻഎസ്എസ് പരിപാടിയിൽ ഭാരതാംബയുടെ ചിത്രം വെക്കാൻ ​ശ്രമിച്ച ആർഎസ്എസ് നേതാവിനെ ഇറക്കിവിട്ട് പ്രവർത്തകർ

തൃശൂർ: തൃശ്ശൂർ മാള കുഴൂരിൽ എൻഎസ്എസ് സംഘടിപ്പിച്ച പരിപാടിയിൽ ഭാരതാംബയുടെ ചിത്രം വെക്കാൻ ​ശ്രമിച്ച ആർഎസ്എസ് നേതാവിനെ ഇറക്കിവിട്ടു. മന്നത്ത് പത്മനാഭന്റെ ചിത്രത്തിനൊപ്പം കാവി കൊടി പിടിച്ച ഭാരതാംബയുടെ ചിത്രം വെക്കാൻ ശ്രമിച്ചതാണ് എതിർപ്പിന് ഇടയാക്കിയത്.

മാള കുഴൂർ 2143 -ാം നമ്പർ തിരുമുക്കുളം കരയോഗം സംഘടിപ്പിച്ച പരിപാടിയിൽ നിന്നാണ് ആർഎസ്എസ് നേതാവിനെ ഇറക്കിവിട്ടത്. കെ.സി നടേശന്റെ പ്രസംഗം തട​സപ്പെടുത്തിയ എൻഎസ്എസ് പ്രവർത്തകർ പരിപാടിയിൽ നിന്ന് ഇറക്കിവിടുക​യും ചെയ്ത്.

ബഹളമായതിന് പിന്നാലെ മാള പൊലീസെത്തി പരിപാടി സംഘടിപ്പിക്കുന്നതിന് അനുമതി നിഷേധിച്ചു. ആർഎസ്എസിന്റെ രാഷ്ട്രീയ പ്രചാരണ വേദിയാക്കി NSSനെ മാറ്റാൻ അനുവദിക്കാനാവില്ലന്ന് ഒരു വിഭാഗം നിലപാടെടുത്തതോടെയാണ് പരിപാടിയിൽ ആർഎസ്എസ് നേതാവിനെതിരെ പ്രതിഷേധം ഉയർന്നത്.