കേരള പത്രപ്രവർത്തക യൂണിയൻ മുൻ ജനറൽ സെക്രട്ടറി എസ്. ജയശങ്കർ അന്തരിച്ചു

തിരുവനന്തപുരം: സംസ്ഥാന സർക്കാർ പത്രപ്രവർത്തക ക്ഷേമ പെൻഷൻ കമ്മിറ്റി അംഗം എസ്. ജയശങ്കർ അന്തരിച്ചു. തിരുവനന്തപുരം മുൻ മേയർ സത്യകാമൻ നായരുടെ മകനാണ്. കേരള കൗമുദി ലേഖകനായിരുന്ന എസ്. ജയശങ്കർ തിരുവനന്തപുരം സീനിയർ ജേണലിസ്റ്റ്സ് ഫോറം അം​ഗവുമാണ്.

കേരള പത്രപ്രവർത്തക യൂണിയന്റെ ജനറൽ സെക്രട്ടറിയായി പ്രവർത്തിച്ചിട്ടുണ്ട്. ദീർഘകാലമായി ജഗതിയിലുള്ള ഉള്ളൂർ സ്മാരക കമ്മിറ്റിയുടെ സെക്രട്ടറിയായി പ്രവർത്തിച്ചുവരികയായിരുന്നു. അവിവാഹിതനാണ്. സംസ്കാരം ഇന്ന് വൈകിട്ട് നാലിന് ശാന്തികവാടത്തിൽ.