വർക്കലയിൽ ട്രെയിനിൽ നിന്ന് തെറിച്ച് വീണ് വിദ്യാർഥിനിക്ക് ഗുരുതര പരിക്ക്

തിരുവനന്തപുരം:തിരുവനന്തപുരം വർക്കലയിൽ ട്രെയിനിൽ നിന്ന് തെറിച്ചുവീണ് വിദ്യാർത്ഥിക്ക് ഗുരുതര പരിക്ക്. ചേർത്തല സ്വദേശി സൂര്യയാണ് അപകടത്തിൽപെട്ടത്. ഗുരുവായൂർ ഇന്റർസിറ്റി എക്സ്പ്രസിൽ സഞ്ചരിക്കുമ്പോൾ വർക്കല ഇടവ റെയിൽവേ ഗേറ്റിന് സമീപത്ത് വെച്ചായിരുന്നു അപകടം.

രാവിലെ ഒൻപത് മണിയോടെയായിരുന്നു സംഭവം. ചേർത്തലയിൽ നിന്ന് തിരുവനന്തപുരം യൂണിവേഴ്‌സിറ്റി കോളേജിലേക്ക് പോവുകയായിരുന്നു പെൺകുട്ടി. യൂണിവേഴ്‌സിറ്റി കോളേജിലെ മൂന്നാം വർഷ ബിരുദ വിദ്യാർത്ഥിനിയാണ് സൂര്യ. ട്രെയിനിന്റെ സൈഡിൽ നിൽക്കുകയായിരുന്ന പെൺകുട്ടി താഴേക്ക് വീഴുകയായിരുന്നു. തലയ്ക്ക് ഗുരുതരമായി പരിക്കേറ്റ സൂര്യയെ പ്രാഥമിക ചികിത്സ നൽകിയ ശേഷം തിരുവനന്തപുരം മെഡിക്കൽ കോളേജിലേക്ക് മാറ്റി.