മത്സ്യത്തൊഴിലാളികൾക്കൊപ്പം ക്രിസ്മസ് ആഘോഷിച്ച് പ്രതിപക്ഷനേതാവ്

തിരുവനന്തപുരം: മത്സ്യത്തൊഴിലാളികൾക്കായി ക്രിസ്മസ് ആഘോഷം സംഘടിപ്പിച്ച് പ്രതിപക്ഷ നേതാവ് വി.ഡി സതീശൻ.കേക്ക് മുറിച്ചും കിറ്റ് വിതരണം ചെയ്തുമായിരുന്നു ആഘോഷംനാല് വർഷമായി വലിയതുറയിലെ സിമന്റ് ഗോഡൗണിൽ കഴിയുകയാണ് ഇരുന്നൂറോളം മത്സ്യത്തൊഴിലാളി കുടുംബങ്ങൾ.

അവർക്കൊപ്പം ക്രിസ്മസ് ആഘോഷിക്കാനാണ് പ്രതിപക്ഷ നേതാവെത്തിയത്. ഗോഡൗണിനുള്ളിലെ ഷെഡുകൾ സന്ദർശിച്ച വി.ഡി സതീശൻ മത്സ്യത്തൊഴിലാളി കുടുംബങ്ങൾക്ക് കേക്ക് മുറിച്ച് നൽകി. തന്റെ മനസ് മത്സ്യത്തൊഴിലാളികൾക്കൊപ്പമാണെന്നും ഇവരോട് സർക്കാർ പറഞ്ഞ വാക്ക് പാലിച്ചില്ലെന്ന് സതീശൻ കുറ്റപ്പെടുത്തി.എം വിൻസന്റ് എംഎൽഎയും ഒപ്പമുണ്ടായിരുന്നു. ഇരുപത്തിരണ്ടിന സാധനങ്ങൾ അടങ്ങിയ കിറ്റും മത്സ്യത്തൊഴിലാളികള്‍ക്ക് കൈമാറി. വലിയ സന്തോഷമുണ്ടെന്ന് മത്സ്യത്തൊഴിലാളികൾ പറഞ്ഞു.