വെള്ളമില്ല: തിരുവനന്തപുരം ജനറൽ ആശുപത്രിയിൽ ശസ്ത്രക്രിയകൾ മുടങ്ങി

തിരുവനന്തപുരം: തിരുവനന്തപുരം ജനറൽ ആശുപത്രിയിൽ വെള്ളമില്ലാത്തതിനെ തുടർന്ന് ശസ്ത്രക്രിയകൾ മുടങ്ങി. രാവിലെ നിശ്ചയിച്ചിരുന്ന 20 ൽ അധികം ശസ്ത്രക്രിയകളാണ് മുടങ്ങിയത്.

അരുവിക്കര ഡാമിലെ പൈപ് ലൈൻ വഴിയാണ് ആശുപത്രിയിൽ വെള്ളമെത്തുന്നത്. ഈ സപ്ലൈ ഇന്ന് രാവിലെ നിന്നു. തുടർന്ന് വെള്ളമെത്തിക്കാൻ ആശുപത്രി അധികൃതർ വാട്ടർ അതോറിറ്റിയോടാവശ്യപ്പെട്ടെങ്കിലും ടാങ്കറില്ലാത്തതിനാൽ വെള്ളമെത്തിക്കാനായില്ല.

Also Read:ജാതീയമായി അധിക്ഷേപിച്ച മേലുദ്യോഗസ്ഥയ്‌ക്കെതിരെ കേസെടുത്തില്ല: സി-ഡിറ്റ് ജീവനക്കാരി ജീവനൊടുക്കാൻ ശ്രമിച്ചു

വെള്ളം ഉടനെത്തിക്കുമെന്ന അറിയിപ്പിനെത്തുടർന്ന് രോഗികളോട് സജ്ജരായിരിക്കാൻ ആശുപത്രി അധികൃതർ നിർദേശിച്ചു. ശസ്ത്രക്രിയകൾ മുടങ്ങി നിൽക്കുന്ന സാഹചര്യത്തിൽ അടിയന്തരാവശ്യത്തിനായി ഒരു ടാങ്കറിൽ വെള്ളമെത്തിച്ചിട്ടുണ്ട്. ഇതുപയോഗിച്ച് പെട്ടെന്ന് നടത്തേണ്ട ശസ്തക്രിയകൾ ചെയ്യാനാവുമെന്നാണ് പ്രതീക്ഷ