പട്ടിണി കിടക്കാതെ 5 മാസം കൊണ്ട് 32 കിലോ കുറച്ചു; 130 കിലോയിൽ നിന്ന് ഭാരം കുറച്ച യുവതിയുടെ ഡയറ്റ് അറിയാം

ശരീരഭാരം കുറയ്ക്കാനുള്ള ശ്രമങ്ങളിൽ സ്ഥിരതയ്ക്കും ജീവിതശൈലിയിലെ മാറ്റങ്ങൾക്കും പ്രധാന പങ്കുണ്ട്. 130 കിലോ ഭാരത്തിൽ നിന്ന് അഞ്ച് മാസത്തിനിടെ 32 കിലോ കുറച്ചിരിക്കുകയാണ് നാവു എന്ന യുവതി. ഭക്ഷണക്രമത്തിലെ നിയന്ത്രണം, കലോറി കണക്കാക്കൽ, പ്രോട്ടീൻ അടങ്ങിയ ഭക്ഷണം, ദിവസേനയുള്ള നടത്തം, സ്ട്രെങ്ത് ട്രെയിനിങ് എന്നിവയാണ് ഭാരം കുറയ്ക്കാൻ സഹായിച്ചതെന്ന് നാവു പറയുന്നു.

ഒക്ടോബർ രണ്ടിന് ഇൻസ്റ്റഗ്രാമിൽ പങ്കുവച്ച വീഡിയോയിലൂടെയാണ് ശരീരഭാരം കുറച്ചതിന്റെ അനുഭവം നാവു പങ്കുവച്ചത്. 130 കിലോ ഭാരമുണ്ടായിരുന്ന സമയത്ത് നിന്ന് ഇപ്പോഴത്തെ നിലയിലേക്കുള്ള മാറ്റം സ്ഥിരമായ ശ്രമങ്ങളിലൂടെയാണ് സാധിച്ചതെന്നും അവർ പറയുന്നു.

ഭക്ഷണത്തിലെ കലോറി നിയന്ത്രിക്കുന്നതിനൊപ്പം ആവശ്യത്തിന് പ്രോട്ടീൻ ഉൾപ്പെടുത്താനും യുവതി ശ്രദ്ധിച്ചു.അതേസമയം, ദിവസേനയുള്ള ചുവടുകളുടെ എണ്ണം വർധിപ്പിക്കുകയും പതിവായി സ്ട്രെങ്ത് ട്രെയിനിങ് നടത്തുകയും ചെയ്തു.

വേഗത്തിലുള്ള ഫലങ്ങളേക്കാൾ സ്ഥിരമായി പിന്തുടരാൻ കഴിയുന്ന ശീലങ്ങൾക്കാണ് പ്രാധാന്യം നൽകിയതെന്നും അവർ പങ്കുവച്ചിട്ടുണ്ട്. ശരീരഭാരം കുറയ്ക്കുന്ന യാത്രയിൽ ഭക്ഷണക്രമവും വ്യായാമവും ഒരുപോലെ പ്രധാനമാണെന്നും അവരുടെ അനുഭവം വ്യക്തമാക്കുന്നു.

അഞ്ച് മാസത്തിനിടെ 32 കിലോ കുറയ്ക്കാൻ കഴിഞ്ഞതിൽ സന്തോഷമുണ്ടെന്നും ഇത്രയും മാറ്റം കൈവരിക്കാനാകുമെന്ന് ഒരിക്കൽ പോലും കരുതിയിരുന്നില്ലെന്നും യുവതി പറഞ്ഞു