ബാത് ടവലുകളിലെ ബോര്‍ഡര്‍ വെറുതെയല്ല, പിന്നിൽ കാരണങ്ങളുണ്ട്!

നമ്മൾ കുളിക്കുമ്പോൾ, കുളിമുറിയിലും പരിസരത്തും മിക്കവാറും എല്ലാ ദിവസവും ഉപയോഗിക്കുന്ന നിരവധി വസ്തുക്കൾ നമ്മൾ സ്വാഭാവികമായും ശ്രദ്ധിക്കാറുണ്ട്. ദൈനംദിന ആവശ്യത്തിനായി ഉപയോഗിക്കുന്ന മിക്ക വസ്തുക്കളുടെയും ഡിസൈനുകൾ വ്യത്യസ്തമായിരിക്കും. ഈ വ്യത്യസ്തതക്ക് പിന്നിൽ ഒരു കാരണവുമുണ്ടായിരിക്കും. അത്തരത്തിലൊരു വസ്തുവാണ് ബാത് ടവൽ. വിവിധ നിറങ്ങളിലും ഡിസൈനുകളിലും മെറ്റീരിയലുകളിലുമുള്ള ബാത് ടവലുകൾ ഉണ്ട്. എന്നാൽ ഇവയ്ക്കെല്ലാം പൊതുവായുള്ള ഒന്നാണ് അതിന്‍റെ ബോര്‍ഡറുകൾ. ഈ ബോര്‍ഡറുകൾക്ക് പിന്നിൽ ഒരു കാരണമുണ്ട്.

ഇന്ന്, ടവലിന്‍റെ ഉദ്ദേശ്യത്തെ അടിസ്ഥാനമാക്കി വ്യത്യസ്ത ഡിസൈനുകളിൽ പലതരം ടവലുകൾ ലഭ്യമാണ്. ബാത് ടവലുകൾ, ഫേസ് ടവലുകൾ, കിച്ചൺ ടവലുകൾ, ജിമ്മിൽ വ്യായാമം ബീച്ചിൽ പോകുമ്പോഴോ ഉപയോഗിക്കേണ്ട ടവലുകൾ എന്നിവ ചില ഉദാഹരണങ്ങൾ മാത്രം. ഓരോ തരം ടവലും വ്യത്യസ്ത തരം മെറ്റീരിയൽ ഉപയോഗിച്ചാണ് നിർമിക്കുന്നത്. കൂടാതെ അതിന്‍റെ ഉപയോഗത്തെ ആശ്രയിച്ച് കട്ടിയുള്ളതോ മൃദുവായതോ ആയിരിക്കും.

മിക്ക ടവലുകളുടെയും അരികുകളിൽ പരസ്പരം സമാന്തരമായി പോകുന്ന രണ്ട് വരകളെ ഡോബി ബോര്‍ഡറുകളെന്നാണ് വിളിക്കുന്നത്. കൃത്യമായ പ്രായോഗിക ഉദ്ദേശ്യം ഇതിന് പിന്നിലുണ്ട്. മറ്റ് ടവൽ മെറ്റീരിയലുകളിൽ നിന്ന് വ്യത്യസ്തമായ ഒരു പാറ്റേണിലാണ് ഡോബി ബോർഡറുകൾ നെയ്തിരിക്കുന്നത്. ഇത് മറ്റ് ടവലുകളിൽ നിന്നും ബാത് ടവലുകളെ വ്യത്യസ്തമാക്കുന്നു. ഉപയോഗം, കൈകാര്യം ചെയ്യൽ, അലക്കൽ എന്നീ മേഖലകളിൽ ടവലുകൾക്ക് ഗണ്യമായ തേയ്മാനം അനുഭവപ്പെടുന്നു. ഇതുമൂലം ടവലിന്‍റെ അരികുകൾ പൊട്ടിപ്പോവുകയോ കീറുകയോ ചെയ്യാം. ഇങ്ങനെയുള്ള അവസ്ഥയിൽ ഡോബി ബോര്‍ഡറുകൾ ടവലിന്‍റെ അറ്റങ്ങൾക്ക് പിന്തുണ നൽകുന്നു. അതേസമയം പലതവണ കഴുകിയതിനുശേഷവും ടവലിന്‍റെ ആകൃതി നിലനിർത്താൻ ഇത് സഹായിക്കുന്നു.

ടവലുകളിലെ ബോർഡറുകൾ അവയുടെ ഈട് നിലനിര്‍ത്തുക മാത്രമല്ല, ടവലിന്‍റെ ആകൃതി നിലനിര്‍ത്തുന്നതോടൊപ്പം അവ കൂടുതൽ കാലം ഉപയോഗിക്കാനും സഹായിക്കുന്നു.