ചേരമാൻ മസ്ജിദിലെ ചിത്രം പങ്കുവെച്ച് ഇർഫാൻ പത്താൻ

കൊടുങ്ങല്ലൂർ ചേരമാൻ മസ്ജിദിലെ ചിത്രം പങ്കുവെച്ച് മുൻ ഇന്ത്യൻ ക്രിക്കറ്റ് താരം ഇർഫാൻ പത്താൻ. സാമൂഹ്യ മാധ്യമമായ ഇൻസ്റ്റഗ്രാമിലാണ് ഇർഫാൻ പത്താൻ ചിത്രം പങ്കുവെച്ചത്. "ഇത് ഇന്ത്യയിലെ ഏറ്റവും പഴയ പള്ളി. ഞാൻ എവിടെയാണെന്ന് ഊഹിക്കാമോ?? എല്ലാവർക്കും മികച്ച വെള്ളിയാഴ്ച നേരുന്നു." - പള്ളിയുടെ അകത്ത് നിൽക്കുന്ന ചിത്രത്തോടൊപ്പം ഇർഫാൻ ഇൻസ്റ്റാഗ്രാമിൽ കുറിച്ചു. ചിത്രം പോസ്റ്റ് ചെയ്ത് മണിക്കൂറുകൾക്കുള്ളിൽ വൈറലായി. മലയാളികളുൾപ്പെടെ നിരവധി പേരാണ് ചിത്രത്തിന് താഴെ കമന്റ് ചെയ്തത്.

2018 ൽ കേരളത്തിലെത്തിയപ്പോഴാണ് ഇർഫാൻ ചേരമാൻ മസ്ജിദ് സന്ദർശിച്ചത്. മസ്ജിദിനെ കുറിച്ച് താൻ നേരത്തെ കേട്ടിട്ടുണ്ടെന്നും രാജ്യത്തെ ആദ്യത്തെ മസ്ജിദായ ചേരമാൻ മസ്ജിദിനെ കുറിച്ച് തന്റെ പിതാവ് നേരത്തെ പഠിപ്പിച്ചിരുന്നുവെന്നും ഇർഫാൻ അന്ന് പറഞ്ഞിരുന്നു. കൊടുങ്ങല്ലൂരിൽ സ്വകാര്യ സന്ദർശനത്തിന്​ എത്തിയപ്പോഴാണ്​ ഇർഫാൻ പ്രത്യേക താൽപര്യമെടുത്ത്​ മസ്​ജിദ്​ സന്ദർശിച്ചത്​. കുടുംബ സമേതം ഒരിക്കൽ കൂടി പള്ളിയിലെത്തുമെന്നും ഇർഫാൻ അന്ന്​ പ്രതികരിച്ചിരുന്നു. ഇന്ത്യയിലെ ആദ്യത്തെ മുസ്‍ലിം പള്ളിയായ ചേരമാൻ മസ്ജിദ് എ. ഡി 629 ലാണ് പണികഴിപ്പിച്ചത്.

View this post on Instagram

A post shared by Irfan Pathan (@irfanpathan_official)