ഫിലിപ്പീന്സില് 350 യാത്രക്കാരുമായി പോയ ബോട്ട് മുങ്ങി; 15 മരണം, നിരവധി പേരെ കാണാതായി
219 പേരെ രക്ഷപ്പെടുത്തി, തിരച്ചില് തുടരുന്നു
- Updated:
2026-01-26 06:42:12.0
മനില: തെക്കന് ഫിലിപ്പീന്സില് 350 പേരുമായി പോയ യാത്രാബോട്ട് മുങ്ങി. 15 പേരുടെ മൃതദേഹം കണ്ടെത്തി. 219 പേരെ രക്ഷപ്പെടുത്തിയതായി അധികൃതര് അറിയിച്ചു. കാണാതായവര്ക്കായി തിരച്ചില് തുടരുകയാണ്.
തിങ്കളാഴ്ച പുലര്ച്ചെയാണ് അപകടം. ബലൂക്-ബലൂക് ദ്വീപില് നിന്ന് സുലുവിലേക്ക് യാത്രക്കാരുമായി പോയതായിരുന്നു ബോട്ട്. ശക്തമായ തിരമാലയില് പെട്ട് മുങ്ങുകയായിരുന്നെന്നാണ് വിവരം. 27 ജീവനക്കാരും ബാക്കി യാത്രക്കാരുമാണ് ബോട്ടിലുണ്ടായിരുന്നത്.
അലിസണ് ഷിപ്പിങ് ലൈന്സ് എന്ന കമ്പനിയുടേതാണ് മുങ്ങിയ ബോട്ട്. ബലൂക്-ബലൂക് ദ്വീപിന് 2.75 നോട്ടിക്കല് മൈല് അകലെ വെച്ച് ശക്തമായ തിരമാലയില് ബോട്ടിന്റെ ഡെക്കില് വെള്ളം കയറുകയായിരുന്നു. ഇതോടെ അധികൃതര്ക്ക് അപായ സന്ദേശം നല്കി. കോസ്റ്റ് ഗാര്ഡും മീന്പിടിത്ത ബോട്ടുകളും മറ്റും സ്ഥലത്തെത്തിയാണ് രക്ഷാപ്രവര്ത്തനം നടത്തിയത്.
Next Story
Adjust Story Font
16