ജോയൽ മോകിർ ഫിലിപ് അ​ഗിയോൺ പീറ്റർ ഹോവിറ്റ് എന്നിവർക്ക് സാമ്പത്തിക നൊബേൽ

സ്റ്റോക്ഹോം: 2025 ലെ സാമ്പത്തികശാസ്ത്ര നൊബേൽ ജോയൽ മോകിർ, ഫിലിപ്പ് അ​ഗിയോൺ, പീറ്റർ ഹോവിറ്റ് എന്നിവർക്ക്. നവീകരണത്തെ അടിസ്ഥാനമാക്കിയുള്ള സാമ്പത്തിക വളർച്ചയെക്കുറിച്ചുള്ള വിശദീകരണത്തിനാണ് നൊബേൽ.

മോകി‍ർ അമേരിക്കയിലെ ഇവാൻസ്റ്റണിലുള്ള നോർത്ത് വെസ്റ്റേൺ യൂണിവേഴ്സിറ്റിയിലും അ​ഗിയോൺ പാരീസിലെ കോളജ് ഡി ഫ്രാൻസിലും, ബ്രിട്ടനിലെ ലണ്ടൻ സ്കൂൾ ഓഫ് എകണോമിക്സ് ആൻഡ് പൊളിറ്റിക്കൽ സയൻസിലും ഹോവിറ്റ് അമേരിക്കയിലെ പ്രൊവിഡൻസിലെ ബ്രൗൺ സർവകലാശാലയിലും പ്രഫസറാണ്.

സാങ്കേതിക കണ്ടുപിടുത്തങ്ങളെ അടിസ്ഥാനമാക്കി സുസ്ഥിര വളർച്ചക്ക് ആവശ്യമായ ഘടകങ്ങൾ തിരിച്ചറിയാൻ ചരിത്രപരമായ നിരീക്ഷണങ്ങൾ ഉപയോ​ഗിച്ചതാണ് ജോയൽ മോകിറിനെ നേട്ടത്തിനർഹനാക്കിയത്.

സൃഷ്ടിപരമായ നാശത്തിൻ്റെ ഒരു ​ഗണിതശാസ്ത്ര മാതൃക നിർമിക്കുകയും പഴയതിനെ മികച്ച ഉൽപന്നങ്ങളായി മാറ്റി സ്ഥാപിക്കുകയും ചെയ്തതാണ് ഫിലിപ് അ​ഗിയോണിനെയും പീറ്റർ ഹോവിറ്റിനെയും സമ്മാനാർഹരാക്കിയത്.

വൈദ്യശാസ്ത്രം, രസതന്ത്രം, സമാധാനം, സാഹിത്യം എന്നിവക്കുള്ള അവാർഡുകൾ കഴിഞ്ഞ ദിവസങ്ങളിലായി പ്രഖ്യാപിച്ചിരുന്നു.