മലൈക്കോട്ടൈ വാലിബന്‍ ക്രിസ്തുമസിന് തിയറ്ററുകളില്‍; ലൊക്കേഷന്‍ ചിത്രം പുറത്ത്
മലയാളം ഫിലിം ഇന്‍ഡസ്ട്രി ട്രാക്കറായ എ ബി ജോര്‍ജാണ് റിലീസ് വിവരം ട്വീറ്റ് ചെയ്തിരിക്കുന്നത്
വാലിബന്‍റെ ലൊക്കേഷന്‍ ചിത്രം
മോഹന്‍ലാലും ലിജോ ജോസ് പെല്ലിശ്ശേരിയും ആദ്യമായി ഒരുമിക്കുന്ന 'മലൈക്കോട്ടൈ വാലിബന്‍റെ' ചിത്രീകരണം ഈയിടെയാണ് പൂര്‍ത്തിയായത്. പാക്കപ്പിന്‍റെയും അതിനെ തുടര്‍ന്നുള്ള ആഘോഷങ്ങളുടെയും വീഡിയോ സമൂഹമാധ്യമങ്ങളില്‍ വൈറലാണ്. ഇപ്പോഴിതാ ചിത്രം ക്രിസ്തുമസ് റിലീസായി തിയറ്ററുകളിലെത്തുമെന്നാണ് റിപ്പോര്‍ട്ട്.
മലയാളം ഫിലിം ഇന്‍ഡസ്ട്രി ട്രാക്കറായ എ ബി ജോര്‍ജാണ് റിലീസ് വിവരം ട്വീറ്റ് ചെയ്തിരിക്കുന്നത്. അതേസമയം വാലിബന്‍റെ ലൊക്കേഷന്‍ ചിത്രവും പുറത്തുവന്നിട്ടുണ്ട്. മുടി നെറുകയില്‍ കെട്ടി ഗുസ്തിക്കാരന്‍റെ ലുക്കില്‍ ലൊക്കേഷനില്‍ ഇരിക്കുന്ന മോഹന്‍ലാലാണ് ചിത്രത്തിലുള്ളത്.
രാജസ്ഥാന്‍,ചെന്നൈ,പോണ്ടിച്ചേരി എന്നിവിടങ്ങളായിരുന്നു വാലിബന്‍റെ പ്രധാന ലൊക്കേഷനുകള്‍. രാജസ്ഥാനിലായിരുന്നു ആദ്യ ഷെഡ്യൂള്‍ ചിത്രീകരിച്ചത്. 77 ദിവസമായിരുന്നു ഇവിടെ ഷൂട്ടിംഗ്. രണ്ടാം ഷെഡ്യൂള്‍ ചെന്നൈയിലായിരുന്നു ഷൂട്ട് ചെയ്തത്. ചെന്നൈയിലെ ഗോകുലം സ്റ്റുഡിയോസ് ആയിരുന്നു ലൊക്കേഷന്‍. പി.എസ് റഫീഖാണ് ചിത്രത്തിനു വേണ്ടി തിരക്കഥ ഒരുക്കിയിരിക്കുന്നത്. മോഹന്‍ലാല്‍ ഗുസ്തിക്കാരനായിട്ടാണ് വേഷമിടുന്നത്. അടിവാരത്ത് കേളു മല്ലൻ എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നതെന്നാണ് റിപ്പോര്‍ട്ട്. സൊനാലി കുല്‍ക്കര്‍ണി, ഹരീഷ് പേരടി, ഡാനിഷ് സെയ്ത്, മണികണ്ഠന്‍ ആര്‍.ആചാരി, സുചിത്ര നായര്‍ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. പ്രശാന്ത് പിളളയാണ് സംഗീതം. മധു നീലകണ്ഠന്‍ ആണ് ഛായാഗ്രഹണം. ലിജോയുടെ ശിഷ്യനും സംവിധായകനുമായ ടിനു പാപ്പച്ചനാണ് ചീഫ് അസോസിയേറ്റ് ഡയറക്ടര്‍.ഷിബു ബേബി ജോണിന്‍റെ ഉടമസ്ഥതയില്‍ ആരംഭിച്ച ജോണ്‍ മേരി ക്രിയേറ്റീവ് ലിമിറ്റഡിനൊപ്പം മാക്‌സ് ലാബ് സിനിമാസ്, ആമേന്‍ മൂവി മോണാസ്ട്രി, സെഞ്ച്വറി ഫിലിംസ് എന്നിവര്‍ ചേര്‍ന്നാണ് നിര്‍മാണം. ജോണ്‍ മേരി ക്രിയേറ്റീവിന്റെ ആദ്യ നിര്‍മാണ സംരംഭമാണിത്.
Mohanlal in #MalaikottaiVaaliban 🔥
— AB George (@AbGeorge_) June 16, 2023
Christmas 2023 release in Cinemas... pic.twitter.com/XKiCaHClIM
Adjust Story Font
16
