'ഗുണ്ടൂര്‍ കാരം' സിനിമയില്‍ നിന്ന് പിന്മാറി പൂജ ഹെഗ്ഡെ
സിനിമയുടെ ഷൂട്ടിംഗ് ഷെഡ്യൂളില്‍ ഒന്നിലധികം മാറ്റങ്ങളും കാലതാമസങ്ങളും നേരിടേണ്ടിവന്നത് കൊണ്ടാണ് പിന്മാറിയത്.
മഹേഷ് ബാബു, പൂജ ഹെഗ്ഡെ
ഹൈദരാബാദ്: മഹേഷ് ബാബു നായകനായി എത്തുന്ന 'ഗുണ്ടൂര്‍ കാരം' സിനിമയില്‍ നിന്ന് പിന്മാറുകയാണെന്ന് പൂജ ഹെഗ്ഡെ. സിനിമയുടെ ഷൂട്ടിംഗ് ഷെഡ്യൂളില്‍ ഒന്നിലധികം മാറ്റങ്ങളും കാലതാമസങ്ങളും നേരിടേണ്ടിവന്നിരുന്നു. കൂടാതെ റീഷൂട്ടുകളും സ്‌ക്രിപ്റ്റില്‍ മാറ്റങ്ങൾ വന്നതും പൂജ പിന്മാറാന്‍ കാരണമായെന്ന് പിന്‍ക്‌വില്ലയുടെ റിപ്പോര്‍ട്ടില്‍ പറയുന്നു.
ജൂണ്‍-ഡിസംബര്‍ മാസത്തില്‍ മറ്റു പ്രൊജക്ടുകള്‍ ഏറ്റെടുത്തതിനാല്‍ 'ഗുണ്ടൂര്‍ കാരത്തില്‍' തുടരാന്‍ പൂജയ്ക്കായില്ല. പിന്മാറുന്നതിനു മുന്‍പ് നിര്‍മ്മാതാക്കളോടും സംവിധായകനോടും സംസാരിച്ചിരുന്നു. ഹിന്ദി തെലുങ്ക് ചിത്രങ്ങളിലാണ് പൂജ കൂടുതല്‍ ശ്രദ്ധ കേന്ദ്രീകരിക്കുന്നത്. ചിത്രത്തിന് വേണ്ടി ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്.
Next Story
Adjust Story Font
16
