വ്യോമപരിധി ലംഘിച്ചുവെന്ന ഖത്തറിന്റെ ആരോപണം യു.എ.ഇ നിഷേധിച്ചു

​ഐക്യരാഷ്ട്ര സഭക്ക്​ നൽകിയ പ്രതികരണത്തിലാണ്​ യു.എ.ഇ ഇക്കാര്യം വ്യക്തമാക്കിയത്​

വ്യോമപരിധി ലംഘിച്ചുവെന്ന ഖത്തറിന്റെ ആരോപണം യു.എ.ഇ നിഷേധിച്ചു. ​ഐക്യരാഷ്ട്ര സഭക്ക്​ നൽകിയ പ്രതികരണത്തിലാണ്​ യു.എ.ഇ ഇക്കാര്യം വ്യക്തമാക്കിയത്​. ഖത്തറിന്റെ പരാതിക്കുള്ള യു.എ.ഇയുടെ പ്രതികരണമാണ്​ ന്യൂയോർക്കിലെ യു.എ.ഇ എംബസി ഐക്യരാഷ്ട്ര സഭ സുരക്ഷ സമിതിക്ക്​ നൽകിയത്​. ഖത്തർ ആരോപണം അടിസ്ഥാനരഹിതമാണെന്ന്​ വിദേശകാര്യ അന്താരാഷ്​ട്ര സഹകരണ സഹമന്ത്രി യഅ്​ഖൂബ്​ ആൽ ഹുസ്നി പറഞ്ഞു.

ഖത്തറിന്റെ അന്യായമായ നടപടികളെ മന്ത്രാലയം നിശിതമായി വിമർശിച്ചു. ഖത്തർ യുദ്ധവിമാനങ്ങൾ ഖത്തർ വ്യോമപരിധിക്ക്​ പുറത്താണ്​ പറന്നതെന്ന്​ സൂക്ഷ്മതയോടെ യു.എ.ഇ തെളിയിക്കും. നല്ല അയൽപക്ക ബന്ധത്തിന്​ ഖത്തർ അന്താരാഷ്ട്ര നിയമങ്ങളും ചട്ടങ്ങളും പാലിക്കണമെന്നും മന്ത്രാലയം പറഞ്ഞു.

യു.എ.ഇ ഉൾപ്പെടുന്ന ചതുർ രാഷ്​ട്രങ്ങൾ ഖത്തറിനെതിരെ സാമ്പത്തിക നയതന്ത്ര ബഹിഷ്കരണം തുടരുകയാണ്​. ഇസ്​ലാമിക തീവ്രവാദികൾക്കും ഇറാനും സഹായം നൽകുന്നുവെന്നാരോപിച്ച്​ പോയ വർഷം ജൂണിലാണ്​ യു.എ.ഇ, സൗദി, ബഹ്​റൈൻ, ഈജിപ്ത്​ രാജ്യങ്ങൾ ബഹിഷ്കരണം ആരംഭിച്ചത്​.