യുഎഇ സന്ദർശനവേളയിൽ മോദി ഇന്ത്യാക്കാരെ കാണും
യുഎഇ സന്ദർശനവേളയിൽ മോദി ഇന്ത്യാക്കാരെ കാണും
ദുബൈ, ഒപേറ ഹൗസിൽ രണ്ടായിരത്തോളം ഇന്ത്യക്കാരെ പങ്കടുപ്പിക്കാനാണ് നീക്കം
പ്രധാനമന്ത്രി നരേന്ദ്ര മോദി യുഎഇ സന്ദർശനവേളയിൽ ഇന്ത്യൻ സമൂഹത്തെ അഭിസംബോധന ചെയ്യും. ദുബൈ, ഒപേറ ഹൗസിൽ രണ്ടായിരത്തോളം ഇന്ത്യക്കാരെ പങ്കടുപ്പിക്കാനാണ് നീക്കം. ഇന്ത്യ, യു.എ.ഇ ഉഭയകക്ഷി ബന്ധം ശക്തിപ്പെടുത്തുന്നതു സംബന്ധിച്ച പുതിയ നടപടികൾ മോദി പ്രഖ്യാപിച്ചേക്കും
ഫെബ്രുവരി 11ന് കാലത്ത് ഒമ്പതരക്കാണ് ദുബൈ ഒപേറ ഹൗസിൽ പ്രധാനമന്ത്രി മോദി ഇന്ത്യക്കാരുമായി ആശയവിനിമയം നടത്തുക. ഇതുമായി ബന്ധപ്പെട്ട ഒരുക്കങ്ങൾ പുരോഗമിക്കുന്നതായി ദുബൈ ഇന്ത്യൻ കോൺസുലേറ്റ് അറിയിച്ചു. തന്റെ ഭരണ നേട്ടങ്ങൾക്കൊപ്പം യു.എ.ഇ ഉൾപ്പെടെ ഗൾഫ് രാജ്യങ്ങളമായി രൂപപ്പെടുത്തിയ അടുത്ത ബന്ധത്തെ കുറിച്ചും പ്രസംഗത്തിൽ മോദി സൂചിപ്പിക്കുമെന്നാണ് സൂചന.
ദുബൈ-അബൂദബി അതിർത്തിയായ ഗൻതൂത്തിൽ പണിയുന്ന കൂറ്റൻ ക്ഷേത്രത്തിന്റെ തറക്കല്ലിടൽ ചടങ്ങ് ദുബൈ വേദിയിൽ നിന്ന് മോദി വീക്ഷിക്കും. നേരത്തെ പ്രസ്തുത ചടങ്ങിൽ മോദി പങ്കെടുക്കുമെന്നായിരുന്നു റിപ്പോർട്ട്. ഇന്ത്യയിൽ നിന്നുള്ള ഹൈന്ദവ സന്യാസി പ്രമുഖർ ചടങ്ങിൽ സംബന്ധിക്കും. ദുബൈയിൽ പതിനൊന്ന് മുതൽ നടക്കുന്ന സർക്കാർ ഉച്ചകോടിയിലും മോദി പ്രസംഗിക്കും. യു.എ.ഇയിൽനിന്ന് ഒമാനിലേക്ക് പോകുന്ന നരേന്ദ്ര മോദി അവിടെ പ്രധാന നേതാക്കളുമായി ചർച്ച നടത്തും.
Adjust Story Font
16