Quantcast

മസ്കത്ത്​ ഇന്ത്യൻ സ്കൂളിലെ കെജി രണ്ട്​ ക്ലാസിൽ ഫീസ്​ വർധിപ്പിച്ചു

MediaOne Logo

Jaisy

  • Published:

    29 May 2018 8:57 PM GMT

മസ്കത്ത്​ ഇന്ത്യൻ സ്കൂളിലെ കെജി രണ്ട്​ ക്ലാസിൽ ഫീസ്​ വർധിപ്പിച്ചു
X

മസ്കത്ത്​ ഇന്ത്യൻ സ്കൂളിലെ കെജി രണ്ട്​ ക്ലാസിൽ ഫീസ്​ വർധിപ്പിച്ചു

പ്രതിമാസ ഫീസിൽ ആറ്​ റിയാലിന്റെ വർധനവാണ്​ വരുത്തിയത്

മസ്കത്ത്​ ഇന്ത്യൻ സ്കൂളിലെ കെജി രണ്ട്​ ക്ലാസിൽ ഫീസ്​ വർധിപ്പിച്ചു. പ്രതിമാസ ഫീസിൽ ആറ്​ റിയാലിന്റെ വർധനവാണ്​ വരുത്തിയത്​. മുന്നറിയിപ്പില്ലാതെയുള്ള ഫീസ്​ വർധനവ്​ നീതീകരിക്കാൻ കഴിയാത്തതാണെന്ന്​ ഒരു വിഭാഗം രക്ഷകർത്താക്കൾ ആരോപിച്ചു.

മൂന്ന്​ മാസത്തെ ട്യൂഷൻ ഫീസായി 118 റിയാൽ അഞ്ഞൂറ്​ ബൈസയാണ്​ ഈടാക്കിയത്​. 18 റിയാലിന്റെ വർധനവാണ്​ ട്യൂഷൻ ഫീസിൽ ഉണ്ടായത്​. കമ്പ്യൂട്ടർ ഫീസ്​ ആറ്​ റിയാലും ടേം ഫീസ്​ പത്ത്​ റിയാലുമടക്കം 145 റിയാൽ അഞ്ഞൂറ്​ ബൈസയാണ്​ അടക്കേണ്ടിവന്നതെന്ന്​ രക്ഷകർത്താവ്​ പറഞ്ഞു. ഒാപ്പൺ ഫോറത്തിൽ ചർച്ച ചെയ്യാതെയും കണക്കുകൾ ബോധ്യപ്പെടുത്താതെയുമുള്ള ഫീസ്​ വർധനവ്​ അംഗീകരിക്കാൻ കഴിയില്ലെന്ന്​ കാട്ടി എസ്​.എം.സി പ്രസിഡൻറുമായി രക്ഷകർത്താക്കളുടെ പ്രതിനിധികൾ നിരവധി തവണ തവണ കൂടികാഴ്​ച നടത്തിയിരുന്നു. എന്നാൽ ഇതിലൊന്നും ഫീസ്​ കൂട്ടിയതിന്​ ഇതുവരെ തൃപ്​തികരമായ ന്യായീകരണം ലഭിച്ചിട്ടില്ല. ഒടുവിലത്തെ കൂടികാഴ്​ചയിൽ അടുത്ത വൈകാതെ എസ്​.എം.സി, ബി.ഒ.ഡി പ്രതിനിധികളെ ഉൾപ്പെടുത്തിയുള്ള സംയുക്ത യോഗം വിളിക്കണമെന്ന്​ ആവശ്യപ്പെട്ടിട്ടുണ്ടെന്നും രക്ഷകർത്താവ്​ പറഞ്ഞു. വാട്ട്​സ്​ആപ്പ്​, ഓൺലൈൻ കൂട്ടായ്​മകളിലൂടെ ഫീസ്​ വർധനവിനെതിരായ പ്രചാരണം രക്ഷകർത്താക്കൾ ശക്തമാക്കിയിട്ടുണ്ട്​.

2017-18 അധ്യയന വർഷം മസ്കത്ത്​ സ്കൂൾ വിദ്യാർഥികളിൽ നിന്ന്​ പത്ത്​ റിയാൽ വീതം അടിസ്ഥാന സൗകര്യ വികസന ഫീസായി ഈടാക്കാനുള്ള തീരുമാനത്തിനെതിരെയും പ്രതിഷേധം ഉയർന്നിരുന്നു. അഞ്ഞൂറോളം രക്ഷകർത്താക്കൾ ഒപ്പിട്ട നിവേദനം ഏപ്രിൽ അവസാനത്തോടെ എസ്​.എം.സി പ്രസിഡന്റിന്​ സമർപ്പിച്ചിരുന്നു. എസ്​.എം.സി യോഗത്തിന്റെ മിനിറ്റ്സ്​ വെബ്​സൈറ്റിൽ അപ്​ലോഡ്​ ചെയ്യുമെന്ന ഉറപ്പ്​ പാലിക്കുക, സാമ്പത്തികമടക്കം സ്കൂൾ നടത്തിപ്പുമായി ബന്ധപ്പെട്ട എല്ലാ മേഖലകളിലും സുതാര്യത പാലിക്കുക, കഴിഞ്ഞ അധ്യയന വർഷത്തെ ഫീസ്​ വർധനവ്​ അടക്കം വിഷയങ്ങൾ പഠിക്കാൻ നിയോഗിച്ച പേരന്റ്​ സബ്​ കമ്മിറ്റി റിപ്പോർട്ട്​ ചർച്ച ചെയ്യാൻ ഓപ്പൺ ഫോറം വിളിക്കുക, അടിസ്ഥാന സൗകര്യ വികസന ഫണ്ട്​ സ്കൂൾ ബോർഡ്​ വിനിയോഗിക്കാൻ പോകുന്ന പദ്ധതികളുടെ കൃത്യമായ എസ്​റ്റിമേറ്റ്​ ലഭ്യമാക്കുക തുടങ്ങിയ ആവശ്യങ്ങളും രക്ഷകർത്താക്കൾ ഈ നിവേദനത്തിൽ ഉന്നയിച്ചിരുന്നു.

TAGS :

Next Story