ബ​ഹ്റൈ​നി​ലെ ഡെ​ലി​വ​റി ക​മ്പ​നി​ക​ൾ ര​ണ്ട് വ​ർ​ഷ​ത്തി​നു​ള്ളി​ൽ ഇ​ല​ക്ട്രി​ക് വാ​ഹ​ന​ങ്ങ​ളി​ലേ​ക്ക് മാറണ​മെ​ന്ന് നി​ർ​ദേ​ശം​

മനാമ: ബ​ഹ്റൈ​നി​ലെ ഡെ​ലി​വ​റി ക​മ്പ​നി​ക​ൾ ര​ണ്ട് വ​ർ​ഷ​ത്തി​നു​ള്ളി​ൽ ഇ​ല​ക്ട്രി​ക് വാ​ഹ​ന​ങ്ങ​ളി​ലേ​ക്ക് മാറണ​മെ​ന്ന നി​ർ​ദേ​ശ​വു​മാ​യി എം.​പി​മാ​ർ. പാ​ർ​ല​മെ​ന്‍റ് സ്ട്രാ​റ്റ​ജി​ക് തി​ങ്കി​ങ് ബ്ലോ​ക്ക് അം​ഗ​ങ്ങ​ളാ​ണ് നി​ർ​ദേ​ശ​വു​മാ​യി രം​ഗ​ത്തു​വ​ന്ന​ത്.

നിർദേശം അംഗീകരിക്കപ്പെടുകയാണെങ്കിൽ ബഹ്റൈനിലെ ഡെ​ലി​വ​റി മേ​ഖ​ല​യി​ലെ ഏ​റ്റ​വും വ​ലി​യ പ​രി​സ്ഥി​തി പ​രി​ഷ്കാ​ര​ങ്ങ​ളി​ൽ ഒ​ന്നാ​യി ഇ​ത് മാ​റും. കാ​ർ​ബ​ൺ ബ​ഹി​ർ​ഗ​മ​നം കു​റ​ക്കു​ന്ന​തി​നും രാ​ജ്യ​ത്തി​ന്റെ പാ​രി​സ്ഥി​തി​ക ല​ക്ഷ്യ​ങ്ങ​ളെ പി​ന്തു​ണ​ക്കു​ന്ന​തി​നും ല​ക്ഷ്യ​മി​ട്ടാ​ണ് ​നീ​ക്കം. ബ്ലോ​ക്ക് പ്ര​സി​ഡ​ന്റും പാ​ർ​ല​മെ​ന്‍റി​ന്റെ സാ​മ്പ​ത്തി​ക, കാ​ര്യ സ​മി​തി ചെ​യ​ർ​മാ​നു​മാ​യ അ​ഹ​മ്മ​ദ് അ​ൽ സ​ല്ലൂ​മാ​ണ് ഈ ​നി​ർ​ദേ​ശം മുന്നോട്ടുവെച്ചത്. ബ​ഹ്റൈ​ൻ ​ഗവർൺമെന്റിന്റെ ഊ​ർ​ജ പ​രി​വ​ർ​ത്ത​ന ശ്ര​മ​ങ്ങ​ളെ പി​ന്തു​ണ​ക്കു​ക, പ​രി​സ്ഥി​തി സൗ​ഹൃ​ദ നി​ക്ഷേ​പത്തിന് ഊന്നൽ കൊടുക്കുക, വായു മലിനീകരണം കു​റ​ക്കു​ക എ​ന്നി​വ​യും ഈ ​നി​ർ​ദേ​ശ​ത്തി​ന് പി​ന്നി​ലു​ണ്ട്.

ഇ​ല​ക്ട്രി​ക് വാ​ഹ​ന​ങ്ങ​ളി​ലേ​ക്കു​ള്ള മാ​റ്റം പ​രി​സ്ഥി​തി സൗ​ഹൃ​ദ അ​ടി​സ്ഥാ​ന സൗ​ക​ര്യ​ങ്ങ​ളി​ലെ നി​ക്ഷേ​പ​ത്തെ ഉ​ത്തേ​ജി​പ്പി​ക്കു​ക​യും ബി​സി​ന​സു​ക​ളു​ടെ ദീ​ർ​ഘ​കാ​ല പ്ര​വ​ർ​ത്ത​ന ചെ​ല​വ് കു​റ​ക്കു​ക​യും ന​ഗ​ര​ങ്ങ​ളി​ലെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ക​യും ചെ​യ്യു​മെ​ന്ന് അ​ൽ സ​ല്ലൂം ചൂ​ണ്ടി​ക്കാ​ട്ടി. ഇലക്ട്രോണിക് ചാ​ർ​ജി​ങ് അ​ടി​സ്ഥാ​ന സൗ​ക​ര്യ​ങ്ങ​ൾ, ഊ​ർ​ജ പ​ദ്ധ​തി​ക​ൾ എ​ന്നി​വ വി​ക​സി​പ്പി​ക്കു​ന്ന​തി​നു​ള്ള സ​ർ​ക്കാ​ർ സം​രം​ഭ​ങ്ങ​ൾ പുതിയ മാറ്റങ്ങൾക്ക് ശ​രി​യാ​യ അ​ടി​ത്ത​റ ന​ൽ​കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു. നി​യ​മം ന​ട​പ്പി​ലാ​ക്കി​യാ​ൽ, ഡെ​ലി​വ​റി ക​മ്പ​നി​ക​ൾ​ക്ക് ഇ​ല​ക്ട്രി​ക് വാ​ഹ​ന​ങ്ങ​ളി​ലേ​ക്ക് മാ​റു​ന്ന​തി​ന് ര​ണ്ട് വ​ർ​ഷ​ത്തെ ന്യാ​യ​മാ​യ ഗ്രേ​സ് പി​രീ​ഡ് ന​ൽ​കാ​മെ​ന്ന് പാ​ർ​ല​മെ​ന്റി​ന്റെ നി​യ​മ​നി​ർ​മാ​ണ, നി​യ​മ​കാ​ര്യ സ​മി​തി വൈ​സ് ചെ​യ​ർ​മാ​ൻ അ​ലി അ​ൽ ദോ​സ​രി വാ​ദി​ച്ചു.

നി​കു​തി ആ​നു​കൂ​ല്യ​ങ്ങ​ൾ, ഗ്രാ​ന്റു​ക​ൾ, അ​ല്ലെ​ങ്കി​ൽ ഇ​ല​ക്ട്രി​ക് വാ​ഹ​നം വാ​ങ്ങുന്നതിന് കു​റ​ഞ്ഞ പ​ലി​ശ വാ​യ്പ‌​ക​ൾ എ​ന്നി​വ​യി​ലൂ​ടെ ഈ ​മാ​റ്റം സു​ഗ​മ​മാ​ക്കു​ന്ന​തി​ൽ സ​ർ​ക്കാ​രി​ന് പ്ര​ധാ​ന പ​ങ്ക് വ​ഹി​ക്കാ​നാ​കു​മെ​ന്നും അ​ദ്ദേ​ഹം ചൂണ്ടിക്കാട്ടി. നി​ർ​ദേ​ശം തു​ട​ർ അ​വ​ലോ​ക​ന​ത്തി​നാ​യി ബ​ന്ധ​പ്പെ​ട്ട ക​മ്മി​റ്റി​ക്ക് കൈ​മാ​റും.