ബഹ്റൈനിൽ നാ​ലു​വ​യ​സ്സു​കാ​ര​ൻ സ്കൂൾ വാഹനത്തിൽ മ​രി​ച്ച സം​ഭ​വം; മാ​താ​പി​താ​ക്ക​ൾ ഡ്രൈ​വ​ർ​ക്ക് മാ​പ്പു​ന​ൽ​കി

മനാമ: നാ​ലു​വ​യ​സ്സു​കാ​ര​ൻ സ്കൂൾ വാഹനത്തിൽ മ​രി​ച്ച സം​ഭ​വ​ത്തി​ൽ ബഹ്റൈനിൽ ഡ്രൈ​വ​റാ​യ സ്വ​ദേ​ശി വ​നി​ത​ക്കെ​തി​രെ​യു​ള്ള കേസ് കോ​ട​തി ഔ​ദ്യോ​ഗി​ക​മാ​യി ഒ​ഴി​വാ​ക്കി. കു​ട്ടി​യു​ടെ മാ​താ​പി​താ​ക്ക​ൾ ഡ്രൈ​വ​ർ​ക്ക് മാ​പ്പു​ന​ൽ​കി​യ​തി​നെ തു​ട​ർ​ന്നാ​ണ് ഹൈ ​ക്രി​മി​ന​ൽ കോ​ട​തി​യു​ടെ ​നി​ർ​ണാ​യ​ക വി​ധി.

ഒ​ക്ടോ​ബ​ർ 13നായിരുന്നു രാജ്യത്തെയാകെ കണ്ണീരിലാഴ്ത്തിയ ദാരുണമായ സംഭവം നടക്കുന്നത്. നാ​ല​ര വ​യ​സ്സു​കാ​ര​ൻ ഹ​സ​ൻ അ​ൽ മ​ഹ​രിയാണ് മരിച്ചത്. സ്കൂളിലേക്ക് പോകുന്ന വാഹനത്തിലിരുന്ന് ​ഹസ​ൻ ഉ​റ​ങ്ങി​പ്പോവുകയായിരുന്നു. ഇ​ത​റി​യാ​തെ ഡ്രൈ​വ​ർ കാ​ർ ലോ​ക്ക് ചെ​യ്ത് പുറത്തുപോ​യി. 34 ഡി​ഗ്രി സെ​ൽ​ഷ്യ​സ് ചൂ​ടി​ൽ മ​ണി​ക്കൂ​റു​ക​ളോ​ളം കാ​റി​നു​ള്ളി​ൽ കു​ടു​ങ്ങി​യ കു​ട്ടി ശ്വാ​സം​മു​ട്ടി​ മ​രി​ക്കു​ക​യാ​യി​രു​ന്നു.

കുട്ടി മരിച്ചതിനെത്തുടർന്ന് ഡ്രൈവർക്കെതിരെ കേസെടുത്ത് അന്വേഷണം ആരംഭിച്ചു. അന്വേഷണത്തിൽ വാഹനത്തിന് സ്കൂൾ ട്രാൻസ്പോർട്ടേഷൻ നടത്താനുള്ള ലൈസൻസ് ഇല്ലെന്ന് കണ്ടെത്തുകയും പ്രതിയായ ഡ്രൈവറെ അറസ്റ്റ് ചെയ്യുകയും ചെയ്തിരുന്നു. എന്നാൽ വൈകാരികമായി രം​ഗങ്ങളാണ് കോടതിയിൽ കേസ് വിസ്താരത്തിനിടെ നടന്നത്. മൂ​ന്ന് കു​ട്ടി​ക​ളു​ടെ അ​മ്മ​യാ​ണ് താനെന്നും ഭർത്താവ് സൗദിയിലെ ജയിലിൽ ആണെന്നും യുവതി കോടതിയെ അറിയിച്ചു. നിത്യവൃത്തിക്കായി മറ്റൊരു വഴിയുമില്ലാതെയായതോടെയാണ് അനധികൃതമായി ഈ ജോലി ചെയ്യേണ്ടി വന്നതെന്നും ആ വനിത കോടതിമുറിയിൽ പറഞ്ഞു. അറിയാതെയാണെങ്കിൽ പോലും കുട്ടിയുടെ മരണത്തിന് കാരണക്കാരിയായതുകൊണ്ട് ശിക്ഷ ഏറ്റുവാങ്ങാൻ തയ്യാറാണെന്നും അവർ കരഞ്ഞുകൊണ്ട് കോടതിയെ അറിയിച്ചു.

എന്നാൽ പ്രതിയുടെ ജീവിത സാഹചര്യം മനസിലാക്കിയ കുട്ടിയുടെ കുടുംബം അവർക്ക് പൊറുത്തുകൊടുക്കുന്നതായി കോടതിയെ അറിയിക്കുകയായിരുന്നു. കേസിൽ തുടർന​ട​പ​ടി​ക​ളു​മാ​യി മു​ന്നോ​ട്ട് പോ​കാ​ൻ താ​ൽ​പ​ര്യ​മി​ല്ലെ​ന്നും കു​ട്ടി​യു​ടെ മാ​താ​പി​താ​ക്ക​ൾ കോ​ട​തി​യെ ബോധ്യപ്പെടുത്തി. ഇ​തുസം​ബ​ന്ധി​ച്ച സ​ത്യ​വാ​ങ്മൂ​ലം പ്ര​തി​ഭാ​ഗം അ​ഭി​ഭാ​ഷ​ക​ൻ കോ​ട​തി​യി​ൽ സ​മ​ർ​പ്പി​ച്ചു. ഇതിനെത്തുടർന്ന് ന​ര​ഹ​ത്യ കു​റ്റ​ത്തി​ൽ നി​ന്ന് വ​നി​ത​യെ ഒ​ഴി​വാ​ക്കി കോടതി കേ​സ് അ​വ​സാ​നി​പ്പി​ച്ചു.