ബഹ്റൈനിലെ ഇന്ധന ടാങ്കുകൾ ലക്ഷ്യമാക്കി ഇറാൻ ആക്രമണം

മനാമ: ബഹ്റൈനിൽ മുഹറഖ് ​ഗവർണറേറ്റിലെ ഇന്ധന സംഭരണ കേന്ദ്രം ലക്ഷ്യമാക്കി ഇറാൻ ആക്രമണം നടന്നതായി ആഭ്യന്തര മന്ത്രാലയം അറിയിച്ചു. അതേസമയം ആക്രമണങ്ങളുടെ പശ്ചാത്തലത്തിൽ ഹിദ്ദ്, അറാദ്, ​ഗലാലി, സമാഹീജ് പ്രദേശങ്ങളിലെ താമസക്കാർക്ക് അധികൃതർ മുന്നറിയിപ്പ് നൽകി. പ്രദേശത്ത് പുക പടരുന്നതായും ആരും പുറത്തിറങ്ങരുതെന്നും ജനലും വാതിലുമുൾപ്പെടെ എല്ലാ വെന്റിലേഷനുകളും അടച്ചിടണമെന്നും നിർദേശം നൽകിയിട്ടുണ്ട്.

MOI: The Iranian aggression targeted fuel tanks at a facility in Muharraq Governorate, and the competent authorities are taking the required procedures.

— Ministry of Interior (@moi_bahrain) March 11, 2026

സുരക്ഷാ കാരണങ്ങളാൽ ബഹ്റൈനിലെ റയ റോഡ് താൽക്കാലികമായി അടച്ചു. സ്ഥിതിഗതികൾ സാധാരണ നിലയിലാകുന്നതുവരെ നിയന്ത്രണം തുടരുമെന്ന് അധികൃതർ അറിയിച്ചു.