കുവൈത്തില്‍നിന്ന് രണ്ടര വര്‍ഷത്തിനിടെ നാടുകടത്തിയത് 42,529 വിദേശികളെ

കുവൈത്തിൽനിന്ന് രണ്ടര വർഷത്തിനിടെ 42,529 വിദേശികളെ നാടുകടത്തിയതായി ആഭ്യന്തരമന്ത്രാലയം അറിയിച്ചു. ഇതിനായി പൊതു ഖജനാവിൽ നിന്ന് 21 ലക്ഷം ദിനാറാണ് ചെലവായതെന്നും പാർലിമെന്റിൽ മന്ത്രാലയം വ്യക്തമാക്കി.

ഇത്തരത്തിൽ നാടുകടത്തപ്പെടുന്നവരുടെ വിമാന ടിക്കറ്റ് അടക്കമുള്ള കാര്യങ്ങൾക്കായാണ് ഈ തുക ചെലവഴിച്ചത്. കൂടാതെ നാടുകടത്തപ്പെട്ട വിദേശികളുടെ സ്പോണ്സര്മാരിൽനിന്ന് ഈ തുക ഈടാക്കുമെന്നും പാർലിമെന്റ് അംഗത്തിന്റെ ചോദ്യത്തിനുള്ള മറുപടിയിൽ ആഭ്യന്തര മന്ത്രാലയം വിശദീകരണം നൽകിയിട്ടുണ്ട്.