സുൽത്താനേറ്റ് സൂപ്പറല്ലേ... 2026 പരിസ്ഥിതി പ്രകടന സൂചികയിൽ ആറ് സ്ഥാനം മുന്നേറി ഒമാൻ

മസ്‌കത്ത്: 2026 ലെ പരിസ്ഥിതി പ്രകടന സൂചികയിൽ (EPI) ആറ് സ്ഥാനങ്ങൾ മുന്നേറി ഒമാൻ. 180 രാജ്യങ്ങൾക്കിടയിൽ നിന്ന് ആഗോളതലത്തിൽ 49-ാം സ്ഥാനം നേടി. 2024 ൽ 55-ാം സ്ഥാനത്തായിരുന്നു ഒമാൻ. ഒമാൻ പരിസ്ഥിതി അതോറിറ്റിയാണ് വിവരം പങ്കുവെച്ചത്.

പുതിയ നേട്ടത്തിലൂടെ മിഡിൽ ഈസ്റ്റിൽ മൂന്നാം സ്ഥാനത്തും അറബ് ലോകത്ത് രണ്ടാം സ്ഥാനത്തും ഒമാനെത്തി. ജിസിസി രാജ്യങ്ങളിൽ രണ്ടാം സ്ഥാനത്തും എത്തി. പരിസ്ഥിതി സുസ്ഥിരതയിലെ മികവാണ് നേട്ടത്തിന് പിറകിൽ.