മേഖലയിലെ സാഹചര്യം; മിഡിൽ ഈസ്റ്റിലേക്കുള്ള സർവീസ് റദ്ദാക്കൽ നീട്ടി സലാം എയർ

മസ്കത്ത്: മേഖലയിലെ സാ​ഹചര്യത്തെ തുടർന്ന് വ്യോമപാതകൾ അടച്ചതിനാൽ മിഡിൽ ഈസ്റ്റിലേക്കുള്ള സർവീസ് റദ്ദാക്കൽ നീട്ടി സലാം എയർ. ഇറാനിലേക്കും തിരിച്ചുമുള്ള സർവീസുകൾ 2026 ആ​ഗസ്റ്റ് 31 വരെയും അതേസമയം ഇറാഖ്, ലബനാൻ, കുവൈത്ത്, ഖത്തർ,ഷാർജ എന്നിവിടങ്ങളിലേക്കും തിരിച്ചുമുള്ള സർവീസുകൾ 2026 മെയ് 30 വരെയുമാണ് റദ്ദാക്കിയത്. യാത്രക്കാരുടെയും ജീവനക്കാരുടെയും സുരക്ഷക്കാണ് മുൻ​ഗണനയെന്നും കാലാവസ്ഥയിലെ മാറ്റങ്ങൾ അതീവ ശ്രദ്ധയോടെ നിരീക്ഷിച്ചുവരികയാണെന്നും എയർലൈൻ അധികൃതർ അറിയിച്ചു.

കാലാവസ്ഥ മെച്ചപ്പെടുന്നതിനനുസരിച്ച് വിമാനങ്ങൾ പുനഃക്രമീകരിക്കുമെന്നും വിമാനങ്ങളുടെ സമയമാറ്റങ്ങൾ, റദ്ദാക്കലുകൾ എന്നിവയെക്കുറിച്ചുള്ള ഔദ്യോഗിക വിവരങ്ങൾ യാത്രക്കാരെ യഥാസമയം അറിയിക്കുമെന്നും അധികൃതർ വ്യക്തമാക്കി. യാത്രക്കാർക്ക് +968 2427 2222 എന്ന എയർലൈൻ നമ്പർ വഴിയോ customercare@salamair.com എന്ന ഇ-മെയിൽ വഴിയോ അധികൃതരുമായി ബന്ധപ്പെടാം.