കൾച്ചറൽ ഫോറം മെഗാരക്തദാന ക്യാമ്പ് സംഘടിപ്പിച്ചു

കൾച്ചറൽ ഫോറം മെഗാരക്തദാന ക്യാമ്പ് സംഘടിപ്പിച്ചു

ദോഹ:ഇന്ത്യന്‍ റിപ്പബ്ലിക് ദിനാഘോഷത്തിൻ്റെ ഭാഗമായും ആസാദീ കാ അമൃത് മഹോത്സവത്തിന് ഐക്യദാർഢ്യം പ്രകടിപ്പിച്ചും കൾച്ചറൽ ഫോറം മെഗാ രക്തദാന ക്യാന്പ് സംഘടിപ്പിച്ചു.ഹമദ് മെഡിക്കല്‍ കോർപറേഷനുമായി സഹകരിച്ച് ബർവ സിറ്റിയിലെ കിംസ്ഹെൽത്ത് മെഡിക്കല്‍ സെൻററിൽ നടന്ന രക്തദാന ക്യാമ്പിൽ ഓൺലൈൻ രജിസ്ട്രേഷന്‍ വഴി നൂറ്റി ഇരുപതോളം ആളുകൾ രക്തദാനം നടത്തി.

കൾച്ചറൽ ഫോറം വൈസ് പ്രസിഡന്‍റ് മുഹമ്മദ് കുഞ്ഞി അധ്യക്ഷത വഹിച്ച ഉദ്ഘാടന സെഷനിൽ ഐ സി ബി എഫ് പ്രസിഡന്‍റ് സിയാദ് ഉസ്മാന്‍,വൈസ് പ്രസിഡന്‍റ് വിനോദ് നായർ, സാമൂഹിക പ്രവർത്തകൻ അബ്ദുറൌഫ് കൊണ്ടോട്ടി,കിംസ് ഡയറക്ടര്‍ നിഷാദ്,കിംസ് അഡ്മിനിസ്ട്രേഷന്‍ മാനേജര്‍ ഡോ.ദീപിക എന്നിവരും, കൾച്ചറൽ ഫോറം പ്രസിഡന്‍റ് മുനീഷ് എ സി,ജനറല്‍ സെക്രട്ടറി മജീദലി,വൈസ് പ്രസിഡന്‍റുമാരായ ചന്ദ്രമോഹൻ,ഷാനവാസ് ഖാലിദ്,സജ്ന സാക്കി,സെക്രട്ടറി കെ ടി മുബാറക് എന്നിവർ സംബന്ധിച്ചു.

കൾച്ചറൽ ഫോറം ജനറൽ സെക്രട്ടറിയും രക്തദാന ക്യാമ്പ് കൺവീനറുമായ തസീൻ അമീൻ, കോഡിനേറ്റർ സിദ്ദീഖ് വേങ്ങര,കൾച്ചറൽ ഫോറം സെക്രട്ടറി അഹമ്മദ് ഷാഫി,കൾച്ചറൽ ഫോറം സംസ്ഥാന സമിതിയംഗങ്ങളായ രാധാകൃഷ്ണന്‍,അബ്ദുൽഗഫൂർ, റഷീദലി, നജ് ല നജീബ്,ഫാതിമ തസ്നീം,സകീന അബ്ദുല്ല തുടങ്ങിയവർ നേതൃത്വം കൊടുത്തു.