യമനിലെ ഹജ്ജ, സഅ്ദ ​ഗവർണറേറ്റുകളിൽ 1.36 കോടി ലിറ്ററിന്റെ ജലവിതരണം ചെയ്ത് കെ.എസ് റിലീഫ്

റിയാദ്: കിങ് സൽമാൻ റിലീഫ് സെന്ററിനു കീഴിലായി നടപ്പാക്കുന്ന ജലവിതരണ, പരിസ്ഥിതി ശുചിത്വ പദ്ധതി തുടർന്ന് സൗദി അറേബ്യ. ജനുവരി 7മുതൽ 13 വരെയുള്ള ദിവസങ്ങളിൽ മാത്രം ഹജ്ജ, സഅ്ദ ഗവർണറേറ്റുകളിൽ 1.36 കോടി ലിറ്ററിന്റെ ജലവിതരണമാണ് നടത്തിയത്. ഇതിൽ കുടിവെള്ളത്തിനുള്ളതും ​ഗാർ​ഹിക ഉപയോ​ഗത്തിനുള്ളതും ഉൾപ്പെടും.

സഅ്ദ ​ഗവർണറേറ്റിൽ 97,000 ലിറ്റർ കുടിവെള്ളവും 70,000 ലിറ്റർ ഗാർ​ഹിക ഉപയോ​ഗത്തിനുള്ള വെള്ളവും എത്തിച്ചു. ഹജ്ജ ഗവർണറേറ്റിൽ 8.97ലക്ഷം ലിറ്റർ കുടിവെള്ളവും 1.2കോടി ലിറ്റർ ഗാർ​ഹിക ഉപയോ​ഗത്തിനുള്ള വെള്ളവുമാണ് വിതരണം ചെയ്തത്. കൂടാതെ, ദുരിതാശ്വാസ ക്യാമ്പുകളിൽ മാലിന്യം നീക്കം ചെയ്യുന്നതിന് 58 പ്രവർത്തനങ്ങളും 12 ഫോ​ഗിങ് കമ്പയിനുകളും നടത്തി.