നവോദയ കുടുംബവേദി വനിതാദിനാചരണവും ഇഫ്താർ വിരുന്നും സംഘടിപ്പിച്ചു

റിയാദ്: നവോദയ കുടുംബവേദി വനിതാദിനാചരണവും ഇഫ്താർ വിരുന്നും റിയാദിൽ സംഘടിപ്പിച്ചു. നാട്ടിലാകെ യുവാക്കൾക്കിടയിൽ ലഹരിയുടെ ഉപയോഗം പടർന്നു പിടിക്കുന്നതിൽ ഉൽകണ്ഠ രേഖപ്പെടുത്തിയ യോഗം കുടുംബവേദിയുടെ കൺവീനർ ആതിരാ ഗോപൻ ഉദ്ഘാടനം ചെയ്തു.

വനിതാ ദിനത്തിന്റെ ചരിത്രവും പ്രാധാന്യവും സമകാലീന രാഷ്രീയ വിഷയങ്ങളും സൗമ്യ ശ്രീരാജ് വിവരിച്ചു. സൗദി അറേബ്യയിൽ എല്ലാ മേഖലകളിലും സ്ത്രീകളുടെ പങ്കാളിത്തം വർധിക്കുന്നത് രാജ്യത്തെ സർക്കാരിന്റെ ഇച്ഛാശക്തികൊണ്ടാണെന്ന് യോഗം വിലയിരുത്തി. അഞ്ജു ഷാജു പരിപാടിക്ക് അധ്യക്ഷത വഹിച്ചു. അനിൽ പിരപ്പൻകോട്, കുമ്മിൾ സുധീർ, ഷൈജു ചെമ്പൂര് എന്നിവർ സംസാരിച്ചു. തുടർന്ന് നടന്ന ഇഫ്താർ വിരുന്നിൽ നവോദയ കുടുംബാംഗങ്ങൾ പങ്കെടുത്തു. സൗമ്യ സ്വാഗതവും രസ്‌ന നന്ദിയും പറഞ്ഞു.