സ്പോർട്സ്​ ബേ ആദ്യഘട്ടം; ദുബൈ കരാമയിൽ പ്രവർത്തനം ആരംഭിച്ചു

ദുബൈ ആസ്ഥാനമായി രൂപം നൽകിയ സ്പോർട്സ് ബേയുടെ പ്രഥമഘട്ടത്തിന്​ തുടക്കം. ദുബൈ കരാമയിലാണ്​ പ്രവാസലോകത്തെ കായിക മേഖലക്ക്​ ഉണർവ്​ പകരുന്ന സ്പോർട്സ്​ ബേ ആരംഭിച്ചത്​. വിവിധ കായിക ഇനങ്ങളിൽ വിദഗ്ധ പരിശീലനം നേടാനുള്ള സൗകര്യമാണ്​ ഇവിടെ ഒരുക്കിയിരിക്കുന്നത്​.

കായിക മേഖലക്ക്​ സജീവത പകരുകയെന്ന ലക്ഷ്യത്തോടെ മലയാളി സംരംഭകരുടെ മേൽനോട്ടത്തിലാണ്​ സ്​പോർട്​സ്​ ബേക്ക്​ തുടക്കം കുറിച്ചിരിക്കുന്നത്​. കറാമയിൽ സ്​പോർട്​ ബേയുടെ ആദ്യഘട്ടത്തി​െൻറ ഉദ്​ഘാടനം ദുബൈ പോലീസ് മേജർ ജനറൽ ഗൈത്ഗാനിം സൈഫ് അൽ സുവൈദി ഉദഘാടനംചെയ്​തു.

അമാന ഇന്റര്നാഷണൽ ഗ്രുപ്പ് ചെയർമാൻ ഇക്ബാൽ അമാന , മാനേജിങ് ഡയറക്ടർ റഫീഖ് അമാന , മാനേജിങ് പാർട്ണർ ജെയിൻ മാത്യു തുടങ്ങിയവർ സന്നിഹിതരായിരുന്നു. എം.നസീഫ് , ജംഷിദ് , ഇർഫാൻ , റഫീസ് , ഇമ്മാനുവേൽ , റാഷിദ് , ശുഐബ് ,തുടങ്ങിയവരും ഉദ്​ഘാടന ചടങ്ങി​ന്‍റെ ഭാഗമായി. ദുബൈ പോലീസി​ന്‍റെ സഹകരണത്തോടെ നഗരത്തിന്‍റെ വിവിധ ഭാഗങ്ങളിലായി സ്പോർട്സ് ബേയുടെ ശൃംഖലകൾ ഉടൻ പ്രവത്തർത്തനം ആരംഭിക്കും. ഫുട്ബോൾ , ക്രിക്കറ്റ് , ബാഡ്മിന്റൺ , ബാസ്കറ്റ് ബോൾ തുടങ്ങിയ കായിക ഇനങ്ങൾക് പുറമെ ജുംബ , ജിംനാസ്റ്റിക് , മ്യൂസിക്ക് അക്കാദമി ,എന്നിവയും സ്പോർട്സ് ബേയുടെ ഭാഗമായിരിക്കും.

കായികരംഗത്ത് മികച്ച പ്രതിഭകളെ കണ്ടെത്താൻ എല്ലാ കായിക ഇനങ്ങളിലും മികച്ച കോച്ചിങ്ങ്​ സൗകര്യം സ്​പോർട്​സ്​ ബേ കേന്ദ്രങ്ങളിൽ ലഭ്യമാക്കും. മിതമായ നിരക്കിൽ കൂടുതൽ സ്പോർട്സ് അക്കാദമികളും ഇൻഡോർ ഗ്രൗണ്ടുകളും കായികപ്രേമികൾക്കായി ഒരുക്കുകയാണ സ്പോർട്​സ്​ ബേയുടെ ലക്ഷ്യം.