ഔഡി ആർ.എസ് ​ഇ-ട്രോൺ: ദുബൈ പൊലീസിന്റെ ആഡംബര കാർ ശേഖരത്തിൽ പുതിയ അതിഥി

ദുബൈ പൊലീസിന്റെ ആഡംബര കാർ ശേഖരത്തിൽ മറ്റൊരു അതിഥി കൂടി. ഔഡിയുടെ ഏറ്റവും പുതിയ ഇലക്​ട്രിക്​മോഡൽ ആർ.എസ്​ ഇ-ട്രോൺ ജി.ടിയാണ്​ദുബൈ പൊലീസ്​ സ്വന്തമാക്കിയത്​. ഇതോടെ ദുബൈ പൊലീസിന്‍റെ ഇലക്​ട്രിക്​ കാറുകളുടെ എണ്ണം രണ്ടായി.

ദുബൈ വേൾഡ്​ ട്രേഡ്​ സെന്‍ററിൽ നടക്കുന്ന അറേബ്യൻ ട്രാവൽ മാർക്കറ്റ്​ മേളയിലാണ്​ പുതിയ ആഡംബര​കാർ അവതരിപ്പിച്ചത്​. ദുബൈയിലെത്തുന്ന വിനോദ സഞ്ചാരികളുടെ സുരക്ഷ ഉറപ്പാക്കാൻ ഇവ ഉപയോഗിക്കും. ​ജെ.ബി.ആർ, ഡൗൺ ടൗൺ, ദുബൈ മരീന എന്നിവ ഉൾപ്പെടെ വിനോദ സഞ്ചാരികൾ ഏറെയെത്തുന്ന പ്രദേശങ്ങളിൽ പരിശോധനക്കായി ഇത്തരം കാറുകൾ ഉപയോഗപ്പെടുത്തും.

646 എച്ച്​.പി കരുത്തുള്ള മോഡലിൽ 800 വോൾട്ടിന്‍റെ ലിതിയം ബാറ്ററിയാണ്​ ഉപയോഗിച്ചിരിക്കുന്നത്​​​. ഫുൾ ചാർജിൽ 472 കിലോമീറ്റർ ഓടിയെത്താൻ കാറിന്​ സാധിക്കും. അഞ്ചു ശതമാനത്തിൽ നിന്ന്​ 80 ശതമാനം ചാർജാവാൻ വെറും 22.5 മിനിറ്റ് ​മതി. മണിക്കൂറിൽ 3.3 കിലോമീറ്റർ വേഗത കൈവരിക്കാൻ വാഹനത്തിന്​ സാധിക്കും.