എം.സി.എ പ്രീമിയർ ലീഗ്; ജെഴ്‌സി പ്രകാശനം ചെയ്തു

യു.എ.ഇ: ദുബൈ കേന്ദ്രമായ മലയാളി കംപ്യൂട്ടേഴ്സ് അസോസിയേഷന്റെ ഫുട്ബോൾ പ്രീമിയർ ലീഗ് സീസൺ രണ്ടിന്റെ മുന്നൊരുക്കം സജീവം. മാർച്ച്​ അഞ്ചിന്​ ദുബൈയിൽ വാശിയേറിയ മൽസരമാകും നടക്കുക. എം.സി.എ പ്രീമിയർ ലീഗ്​ രണ്ടാം സീസണുമായി ബന്ധപ്പെട്ട ജെഴ്‌സി പ്രകാശനം ബർദുബൈ ഫുട്ബോൾ റെസ്റ്റൊറന്‍റില്‍ നടന്നു. എം.സി.എയുടെ പ്രസിഡന്റ് ഫിറോസ് ഇസ്മായിൽ അധ്യക്ഷത വഹിച്ചു.

ചീഫ് പെട്രണും അൽ ഇർഷാദ് കമ്പ്യൂട്ടർ ഗ്രൂപ്പ് ചെയർമാനുമായ യൂനുസ് ഹസ്സൻ, ഡിലിങ്ക്​ മാർക്കറ്റിങ് മാനേജർ സക്കീർ ഹുസ്സൈൻ, ദുഹാ ടെക്നോളജി സെയിൽസ് മാനേജർ തൗസീഫ്, സ്പാർക്ൾ ഡിസ്ട്രിബൂഷൻ ബി.ഡി.ഒ അബ്ദുൽ ജലീൽ പനച്ചിക്കൂൽ, എം.സി.എയുടെ ജനറൽ സെക്രട്ടറി രിഫാഈ എന്നിവർ ചേർന്നാണ്​ ജെഴ്‌സി പ്രകാശനം നിർവഹിച്ചത്​. ടീമംഗങ്ങളെയും ക്യാപ്റ്റൻമാരെയും പ്രീമിയർ ലീഗ് കൺവീനർ ഉമർ പരിചയപ്പെടുത്തി.

12 ടീമുകൾ മാറ്റുരക്കുന്ന മൽസരം ഞായറാഴ്​ച വൈകീട്ട്​ 4 മുതൽ 10 മണി വരെ വുഡ്ലാം പാർക്ക് സ്‌കൂളിൽ നടക്കും. കുടുംബങ്ങൾക്കും കുട്ടികൾക്കുമായി വിവിധ വിനോദ പരിപാടികളും അരങ്ങേറും. വിജയികൾക്ക് ആകര്ഷകമയ സമ്മാനങ്ങൾ ഏർപ്പെടുത്തിയതായും സംഘാടകർ അറിയിച്ചു.