പുറംലോകം കാണാതെ അഞ്ചു ദിവസം; 40 തൊഴിലാളികള്‍ തുരങ്കത്തില്‍ കുടുങ്ങിയിട്ട് 96 മണിക്കൂര്‍

ഡെറാഡൂണ്‍: ഉത്തരാഖണ്ഡിലെ ഉത്തരകാശി ജില്ലയിൽ തകർന്ന തുരങ്കത്തിൽ കുടുങ്ങിയ 40 നിർമാണ തൊഴിലാളികളെ പുറത്തെത്തിക്കാനുള്ള രക്ഷാപ്രവർത്തനം അഞ്ചാം ദിവസത്തിലേക്ക് കടന്നു. 96 മണിക്കൂറിലേറെയായി തൊഴിലാളികള്‍ തുരങ്കത്തില്‍ കുടുങ്ങിക്കിടക്കുകയാണ്. മരണത്തിനും ജീവിതത്തിനും ഇടയിലാണ് ഇവരുടെ ജീവിതം.

2018-ൽ തായ്‌ലൻഡിൽ വെള്ളപ്പൊക്കമുണ്ടായ ഗുഹയിൽ നിന്ന് കുട്ടികളെ രക്ഷപ്പെടുത്തിയ സംഘത്തോട് ഇന്ത്യ ഉപദേശം തേടിയിട്ടുണ്ട്. വ്യോമസേനയുടെ സഹായത്തോടെ എത്തിച്ച ഹൈ പവർ ഡ്രില്ലിങ് മെഷീൻ ഉപയോഗിച്ച് തൊഴിലാളികളെ പുറത്തെത്തിക്കാനുള്ള ശ്രമവും തുടരുകയാണ്.

#WATCH | Dharam Singh, father of one of the labourers trapped inside, says, " My 20-year-old son Vijay Kumar is trapped inside...I spoke to my son a little bit and I gave him courage, assured him that everything would be fine and he would be brought out by this evening...food and… pic.twitter.com/yx4pZLjgHL

— ANI UP/Uttarakhand (@ANINewsUP) November 16, 2023

കഴിഞ്ഞ ഞായറാഴ്ചയാണ് ഉത്തരകാശിയിലെ സിൽക്യാര മുതൽ ദണ്ഡൽഗാവ് വരെ നിർമിക്കുന്ന തുരങ്കത്തിന്റെ ഒരു ഭാഗം തകര്‍ന്നത്. തുരങ്കത്തിന്റെ പ്രവേശന കവാടത്തിൽ നിന്ന് 200 മീറ്റർ അകലെയാണ് മണ്ണിടിച്ചിൽ ഉണ്ടായത്.കുടുങ്ങിക്കിടക്കുന്ന തൊഴിലാളികൾക്ക് ആവശ്യമായ ഭക്ഷണവും മരുന്നുകളും വിതരണം ചെയ്യുന്നുണ്ട്.രക്ഷാസംഘങ്ങൾ തൊഴിലാളികളുമായി പതിവായി ആശയവിനിമയം നടത്തുകയും അവര്‍ക്ക് ആത്മവിശ്വാസം നല്‍കുകയും ചെയ്യുന്നുണ്ട്. തുരങ്കത്തിനുള്ളിൽ 'അമേരിക്കൻ ആഗർ' യന്ത്രം വിന്യസിച്ചത് രക്ഷാപ്രവർത്തനത്തിൽ വഴിത്തിരിവായിട്ടുണ്ട്. തകർന്ന ടണൽ ഭാഗത്തിന്റെ അവശിഷ്ടങ്ങൾക്കിടയിലൂടെ ഒരു ഭാഗം കുഴിക്കുന്നതിന് യന്ത്രം ഉപയോഗപ്പെടുത്താമെന്നാണ് പ്രതീക്ഷ.

#WATCH | Uttarkashi tunnel accident: Latest visuals from the spot where the rescue operation is underway for 5th day to rescue the trapped labourers

A part of the under construction Silkyara tunnel in Uttarkashi district collapsed on Sunday trapping 40 labourers. pic.twitter.com/BGr2z3kom7

— ANI UP/Uttarakhand (@ANINewsUP) November 16, 2023

പാസേജ് തെളിഞ്ഞുകഴിഞ്ഞാൽ, 800-മില്ലീമീറ്ററും 900-മില്ലീമീറ്ററും വ്യാസമുള്ള മൃദുവായ സ്റ്റീൽ പൈപ്പുകൾ ഓരോന്നായി സ്ഥാപിക്കും.ഈ നടപടിക്രമം പൂർത്തിയാകുമ്പോൾ, അവശിഷ്ടങ്ങളുടെ മറുവശത്ത് കുടുങ്ങിക്കിടക്കുന്ന തൊഴിലാളികൾക്ക് സുരക്ഷിതമായി ഇതിലൂടെ പുറത്തിറങ്ങാന്‍ സാധിക്കും. 70 മണിക്കൂർ നീണ്ട അശ്രാന്ത പരിശ്രമത്തിനൊടുവിൽ ഇന്നലെയുണ്ടായ മണ്ണിടിച്ചിലിൽ രക്ഷാപ്രവർത്തനം തടസ്സപ്പെട്ടിരുന്നു.