രക്തസാക്ഷിത്വത്തിന്​ 15 ആണ്ട്​; മരണമില്ലാതെ ഷാഹിദ്​ ആസ്മിയുടെ പോരാട്ടങ്ങൾ

‘ഞാൻ 100 തവണ മരിച്ചു, മരണം വന്നാൽ ഞാൻ അത് കണ്ണിൽ നോക്കും’ -ജയിലിലടക്കപ്പെട്ട നിരപരാധികൾക്ക്​ വേണ്ടി പോരാടിയ അഭിഭാഷകൻ ഷാഹിദ്​ ആസ്മിക്ക്​ അറിയാമായിരുന്നു മരണം തന്‍റെ പിറകെ തന്നെയുണ്ടെന്ന്​​. 2010 ഫെ​​ബ്രു​​വ​​രി 11ന്​ ​​മും​​ബൈ കു​​ർ​​ള​​യി​​ലെ സ്വ​​ന്തം ഓ​​ഫി​​സി​​ൽ അ​​ജ്ഞാ​ത​​രാ​​യ അ​ക്ര​​മി​​ക​​ളു​​ടെ ​​വെടി​​യേ​​റ്റായിരുന്നു ഷാഹിദ്​ ആസ്മിയെന്ന 32കാരന്‍റെ അന്ത്യം. അതുവരെ​ അയാൾ നടത്തിയ പോരാട്ടങ്ങൾ ഇന്ത്യൻ നീതിന്യായ ചരിത്രത്തിൽ സമാനതകളില്ലാത്തതാണ്​. ആ പോരാട്ടങ്ങളിൽനിന്ന്​ പ്രചോദനം ഉൾക്കൊണ്ടുകൊണ്ട്​ നിരവധി പേരാണ്​ ഇന്ന്​ ആസ്മിയുടെ പാത പിന്തുടരുന്നത്​.

ഏഴ്​ വർഷമാണ്​ ആസ്മി അഭിഭാഷക വേഷമണിഞ്ഞത്​. അതിനിടയിൽ നി​​ര​​വ​​ധി സു​​പ്ര​​ധാ​​ന കേ​​സു​​ക​​ളിൽ അദ്ദേഹം ഹാ​​ജ​​രാ​​കു​​ക​​യും നി​​ര​​പ​​രാ​​ധി​​ക​​ൾ​​ക്ക്​ നീ​​തി ഉ​​റ​​പ്പാ​​ക്കു​​ക​​യും ചെ​​യ്​​​തു. 2002ലെ ​​ഘാ​​ട്​​​കോ​​പ​​ർ ബ​​സ്​ ബോം​​ബാ​​ക്ര​​മ​ണ കേ​​സ്, 7/ 11ലെ ​​മും​​ബൈ ലോ​​ക്ക​​ൽ ട്രെ​​യി​​ൻ സ്​​​​ഫോ​​ട​​നം, 2006ലെ ​​ഔ​​റം​​ഗാ​ബാ​​ദ്​ ആ​​യു​​ധ കേ​​സ്, 2006ലെ ​മാ​​ലേ​​ഗാ​​വ്​ സ്​​​ഫോ​​ട​​ന കേ​​സ്​ എന്നിവയെല്ലാം അ​​ദ്ദേ​​ഹം ഏ​​റ്റെ​​ടു​​ത്ത​​വ​​യി​​ൽ ചി​​ലത്​ മാത്രം. ഏ​​ഴു​ വ​​ർ​​ഷ​​ത്തി​​നി​​ടെ ഭീ​​ക​​ര​താ കു​റ്റം ചു​​മ​​ത്തി ത​​ട​​വി​​ലാ​​ക്ക​​പ്പെ​​ട്ട 17 പേ​​രെ കു​​റ്റ​​മു​​ക്ത​രാ​​ക്കാ​​ൻ ആ​​സ്​​​മി​​ക്ക്​ സാ​​ധി​​ച്ചു.

നൂ​​റു​​ക​​ണ​​ക്കി​​ന്​ യുവാക്കൾ അ​​ഭി​​ഭാ​​ഷ​​ക​വൃ​​ത്തി ജീ​​വി​​ത​മാ​​ർ​​ഗ​​മാ​​യി തെ​​ര​​ഞ്ഞെ​​ടു​​ക്കാ​​നും നീ​​തി​​ക്കാ​​യി പോ​​രാ​​ടാ​​നും കാ​​ര​​ണ​​ക്കാ​​ര​​നാ​​യി എ​​ന്ന​​താ​​ണ്​ ആസ്മി രാജ്യത്തിന്​ നൽകിയ സുപ്രധാന സം​​ഭാ​​വ​​ന. ഇ​​ള​​യ സ​​ഹോ​​ദ​​ര​​നും അ​​ഭി​​ഭാ​​ഷ​​ക​​നു​​മാ​​യ ഖാ​​ലി​​ദ്​ ആ​​സ്​​​മി​​യും ജ്യേ​​ഷ്​​​ഠ​ന്‍റെ പാ​​ത പി​​ന്തു​​ട​​രു​​ക​​യാ​​ണ്. ശാ​ഹിദിന്‍റെ ചി​​ല കേ​​സു​​ക​​ൾ ഏ​​റ്റെ​​ടു​​ത്ത​​തും ഖാ​​ലി​​ദാ​​ണ്. ഇതിനെ തുടർന്ന്​ അദ്ദേഹത്തിന്‍റെ ജീ​​വന്​ നേരെയും പലതവണ ഭീഷണികൾ ഉയർന്നു.

26/11 മുംബൈ ഭീകരാക്രമണക്കേസിൽ തടവിലായിരുന്ന ഫഹീം അൻസാരിക്കുവേണ്ടി ഷാഹിദ് ആസ്മി വാദിച്ചത് ദേശീയ ശ്രദ്ധയാകർഷിച്ച സംഭവമാണ്​. പിന്നീട് തെളിവുകളുടെ അഭാവത്താൽ കോടതി അൻസാരിയെ വെറുതെവിട്ടു. പക്ഷെ, അൻസാരി മോചിതനാകുന്നത്​ കാണാനുള്ള ഭാഗ്യം ആസ്മിക്ക്​ ഉണ്ടായിരുന്നില്ല. അപ്പോഴേക്കും അദ്ദേഹത്തെ ശത്രുക്കൾ ഇല്ലാതാക്കിയിരുന്നു.

വർഷങ്ങളോളം ജയിലിൽ കഴിച്ചുകൂട്ടിയ വ്യക്​തിയാണ്​ ആസ്മി. 15 വയസ്സുള്ളപ്പോഴാണ് ബാബരി തകർക്കപ്പെട്ട ശേഷമുള്ള കലാപത്തിൽ പങ്കെടുത്തെന്ന് ആരോപിച്ച് ഷാഹിദ് ആദ്യമായി അറസ്റ്റ് ചെയ്യപ്പെടുന്നത്. പിന്നീട് ടാഡ നിയമം വഴി അറസ്റ്റിലായി. രാജ്യദ്രോഹക്കുറ്റത്തിന് തിഹാർ ജയിലിൽ ഏഴ്​ വർഷമാണ്​ കഴിഞ്ഞത്​. ഈ ജയിൽവാസമാണ്​ അദ്ദേഹത്തെ നിരപരാധികൾക്ക്​ വേണ്ടി പോരാടാൻ സജ്ജനാക്കിയത്​. ജയിലിൽ വെച്ച് പഠനം ആരംഭിച്ച ആസ്മി 2003ൽ​ അഭിഭാഷകനായി എൻറോൾ ചെയ്തു.

ആസ്മി​ മരിച്ച്​ 15 വർഷങ്ങൾ പിന്നിടുമ്പോഴും അദ്ദേഹത്തിന്‍റെ പോരാട്ടങ്ങൾ ഇന്നും പ്രസക്​തമാണ്​. ഭരണകൂടങ്ങൾ വേട്ട തുടരുമ്പോഴും സത്യം തുറന്നുപറയാനും നീതിക്കായി പോരാടാനുമുള്ള ഊർജം പകർന്നേകിക്കൊണ്ടാണ്​ ആസ്മി​ വിടവാങ്ങിയത്​.