ഫലസ്തീന് മാധ്യമപ്രവര്ത്തകരുടെ ഫേസ്ബുക്ക് അക്കൗണ്ടുകള് സസ്പെന്റ് ചെയ്തതിനെതിരെ പ്രതിഷേധം
ഫലസ്തീന് മാധ്യമപ്രവര്ത്തകരുടെ ഫേസ്ബുക്ക് അക്കൗണ്ടുകള് സസ്പെന്റ് ചെയ്തതിനെതിരെ പ്രതിഷേധം
ഇസ്രായേല് ഫെയ്സ്ബുക്ക് അവിശുദ്ധ കൂട്ടുകെട്ടാണ് അക്കൗണ്ടുകള് റദ്ദാക്കപ്പെടാന് കാരണമെന്ന് ഫലസ്തീന് മാധ്യമപ്രവര്ത്തകര് ആരോപിച്ചു. പ്രതിഷേധം ശക്തമായതിനെത്തുടര്ന്ന് ഫെയ്സ്ബുക്ക് മാപ്പ് പറഞ്ഞു.
ഫലസ്തീന് മാധ്യമപ്രവര്ത്തകരുടെ ഫെയ്സ്ബുക്ക് അക്കൗണ്ടുകള് സസ്പെന്റ് ചെയ്ത നടപടി വിവാദമാകുന്നു. ഇസ്രായേല് ഫെയ്സ്ബുക്ക് അവിശുദ്ധ കൂട്ടുകെട്ടാണ് അക്കൗണ്ടുകള് റദ്ദാക്കപ്പെടാന് കാരണമെന്ന് ഫലസ്തീന് മാധ്യമപ്രവര്ത്തകര് ആരോപിച്ചു. പ്രതിഷേധം ശക്തമായതിനെത്തുടര്ന്ന് ഫെയ്സ്ബുക്ക് മാപ്പ് പറഞ്ഞു.
ഷെഹബ് ന്യൂസ് ഏജന്സി, ഖുദ്സ് ന്യൂസ് നെറ്റ്വര്ക്ക് എന്നീ മാധ്യമങ്ങളുടെ മുതിര്ന്ന് മാധ്യമപ്രവര്ത്തകരുടെ ഫെയ്സ്ബുക്ക് അക്കൗണ്ടുകളാണ് സസ്പന്റ് ചെയ്യപ്പെട്ടത്. ഓരോ അക്കൗണ്ടും അറുപതും എഴുപതും ലക്ഷം ലൈക്കുകളുള്ള അക്കൗണ്ടുകളായിരുന്നു. ഇസ്രായേലും ഫെയ്സ്ബുക്കും തമ്മില് നടത്തിയ രഹസ്യധാരണയുടെ അടിസ്ഥാനത്തിലാണ് നടപടിയെന്ന് ഫലസ്തീന് മാധ്യമപ്രവര്ത്തകര് ആരോപിച്ചു.
സാമൂഹ്യമാധ്യമ ഭീമനായ ഫെയ്സ്ബുക്കിനെതിരെ അതിശക്തമായ കാമ്പയിനാണ് വെബ്ലോകത്തുണ്ടായത്. എഫ്ബിസെന്സര്പാലസ്തീന് എന്ന ഹാഷ് ടാഗിലായിരുന്നു പ്രതിഷേധം. പ്രതിഷേധ സൂചകമായി ഫെയ്ബുക്ക് അക്കൗണ്ടുകള് വ്യാപകമായി ഉപേക്ഷിക്കാന് ഫലസ്തീന് തീരുമാനിച്ചു. പ്രതിഷേധം ശക്തമായതിനെ തുടര്ന്ന് മാപ്പ് അപേക്ഷയുമായി ഫെയ്സ്ബുക്ക് രംഗത്തെത്തി. അക്കൗണ്ടുകള് പ്രവര്ത്തനരഹിതമാക്കപ്പെട്ടത് അറിയാതെ സംഭവിച്ചതാണെന്നായിരുന്നു ഫെയ്സ്ബുക്കിന്റെ വിശദീകരണം.
Adjust Story Font
16