ജര്‍മ്മനിയില്‍ ഇനി സ്വവര്‍ഗ വിവാഹം നിയമവിധേയം
ജര്‍മ്മനിയില്‍ ഇനി സ്വവര്‍ഗ വിവാഹം നിയമവിധേയം
സ്വവർഗാനുരാഗികൾക്ക് നിയമവിധേയമായി വിവാഹം കഴിക്കാനും കുട്ടികളെ ദത്തെടുക്കാനും സാധിക്കും
ജര്‍മനിയില്‍ ഇനി സ്വവര്‍ഗ വിവാഹം നിയമവിധേയം. ജര്‍മന്‍ പാര്‍ലമെന്റില്‍ നടന്ന വോട്ടെടുപ്പില്‍ ഭൂരിപക്ഷം പേരും അനുകൂലമായി വോട്ടുചെയ്തു. നിയമം പ്രാബല്യത്തിൽ വരുന്നതോടെ സ്വവർഗാനുരാഗികൾക്ക് നിയമവിധേയമായി വിവാഹം കഴിക്കാനും കുട്ടികളെ ദത്തെടുക്കാനും സാധിക്കും.
ജർമൻ ചാൻസലർ ആംഗല മെർകൽ സ്വവർഗ വിവാഹത്തിനെതിരെയുള്ള തന്റെ നിലപാട് മാറ്റിയതോടെയാണ് വോട്ടെടുപ്പിലേക്ക്കാര്യങ്ങൾ എത്തിയത്. മുന്‍ നിലപാടില്‍ നിന്ന് വ്യത്യസ്തമായി മനഃസാക്ഷി വോട്ടു ചെയ്യാനാണ് പാർട്ടി എം.പിമാരോട്ആംഗല മെർകൽ ആവശ്യപ്പെട്ടത്. തുടർന്നു നടന്ന വോട്ടെടുപ്പില്ഭൂപിപക്ഷം എം.പിമാരും വിവാഹം നിയമവിധേയമാക്കാൻ വോട്ടുചെയ്തു. 393 എം.പിമാർ അനുകൂലിച്ചപ്പോൾ 226 പേർ നിയമഭേദഗതിയെ എതിർത്ത് വോട്ടുചെയ്തു. നാലു പേർ വോട്ടെടുപ്പിൽ നിന്നും വിട്ടു നിന്നു. മറ്റു യൂറോപ്യന്‍ രാഷ്ട്രങ്ങളായ അയർലാന്റ്, ഫ്രാൻസ്, സ്പെയിൻ എന്നിവിടങ്ങളിൽ സ്വവർഗ വിവാഹം നേരത്തെ തന്നെ നിയമവിധേയമാണ്. നിയമം പ്രാബല്യത്തിൽ വരുന്നതോടെ സ്വവർഗാനുരാഗികൾക്ക് നിയമവിധേയമായി വിവാഹിതരാകാനും കുട്ടികളെ ദത്തെടുക്കാനും സാധിക്കും. 2013ലെ തെരഞ്ഞെടുപ്പ് പ്രചാരണ സമയത്ത്സ്വവർഗ വിവാഹത്തിനെതിരായ നിലപാടെടുത്തതിനെ തുടര്‍ന്ന് ആംഗല മെര്‍ക്കലിന് തിരിച്ചടി നേരിട്ടിരുന്നു. സെപ്റ്റംബറില്‍ നടക്കുന്ന ഫെഡറല്‍ തെരഞ്ഞെടുപ്പിന് ശേഷമാകും നിയമം പ്രാബല്യത്തില്‍ വരിക.
Adjust Story Font
16
