ഇന്ത്യയില് ജനങ്ങള് മരിച്ചുവീഴുന്നു; പൗരത്വ നിയമ ഭേദഗതിക്കെതിരെ മലേഷ്യന് പ്രധാനമന്ത്രി
മലേഷ്യയില് നടന്ന 2019 ക്വാലാലംപൂര് ഉച്ചകോടിയില് മാധ്യമങ്ങളോട് സംസാരിക്കവെയാണ്
പൗരത്വ നിയമ ഭേദഗതിക്കെതിരെ മലേഷ്യന് പ്രധാനമന്ത്രി മഹാതീര് മുഹമ്മദ്. നിയമത്തിനെതിരായ പ്രതിഷേധത്തില് ജനങ്ങള് മരിച്ച് വീഴുകയാണെന്നും അദ്ദേഹം കുറ്റപ്പെടുത്തി. കഴിഞ്ഞ എഴുപത് വര്ഷത്തോളം ഒരു പ്രശ്നവുമില്ലാതെ സൗഹാര്ദത്തോടെ ജീവിച്ച ജനതക്കിടയിലേക്ക് പൗരത്വ നിയമ ഭേദഗതി കൊണ്ടുവരേണ്ട ആവശ്യമെന്തായിരുന്നുവെന്ന് മഹാതീര് മുഹമ്മദ് ചോദിച്ചു. മതേതര രാജ്യമെന്ന് അവകാശപ്പെടുന്ന ഇന്ത്യ മുസ്ലിംകളുടെ പൗരത്വത്തിനെതിരേയെടുക്കുന്ന നടപടി ഖേദകരമാണെന്നും മഹാതീര് വ്യക്തമാക്കി.
മലേഷ്യയില് നടന്ന 2019 ക്വാലാലംപൂര് ഉച്ചകോടിയില് മാധ്യമങ്ങളോട് സംസാരിക്കവെയാണ് കേന്ദ്രസര്ക്കാറിനെതിരെ മഹാതിര് രംഗത്തുവന്നത്. എന്നാല് മലേഷ്യന് പ്രധാനമന്ത്രിയുടെ പ്രസ്താവന ശരിയല്ലെന്നും കാര്യങ്ങള് കൃത്യമായി മനസിലാക്കാതെ ഇന്ത്യയുടെ ആഭ്യന്തര കാര്യങ്ങളില് പ്രതികരിക്കുന്നതില്നിന്ന് മലേഷ്യ വിട്ടുനില്ക്കണമെന്നും ഇന്ത്യന് വിദേശകാര്യ മന്ത്രാലയം പ്രസ്താവനയില് അറിയിച്ചു.
Adjust Story Font
16