കെ.ബാബു ബി.ജെ.പിയുടെ വോട്ട് അവകാശപ്പെട്ടത് പ്രചരണ ആയുധമാക്കി സി.പി.എം

തൃപ്പൂണിത്തുറയിൽ കെ.ബാബു ബി.ജെ.പിയുടെ വോട്ട് അവകാശപ്പെട്ടത് പ്രചരണ ആയുധമാക്കി സി.പി.എം. യു.ഡി.എഫ് -ബി.ജെ.പി പരസ്യ കൂട്ടുകെട്ടാണ് ബാബുവിന്‍റെ പരാമർശത്തിലൂടെ വ്യക്തമാകുന്നതെന്ന് മുഖ്യമന്ത്രി പിണറായി വിജയനും കോടിയേരി ബാലകൃഷ്ണനും ആരോപിച്ചു. എന്നാൽ പാരാജയ ഭീതി കൊണ്ടാണ് സി.പി.എം താൻ ആർ.എസ്.എസ് നോമിനിയാണ് എന്ന് ആരോപിക്കുന്നതെന്നായിരുന്നു ബാബുവിന്‍റെ മറുപടി.

കെ.ബാബുവിന്‍റെ ഈ പരാമർശം ആയുധമാക്കിയാണ് മുഖ്യമന്ത്രിയും കോടിയേരി ബാലകൃഷ്ണനും യു.ഡി.എഫ്-ബി.ജെ.പി ബന്ധം ആരോപിച്ചത്. എന്നാൽ ബി.ജെ.പി അനുഭാവികളുടെ വോട്ട് കിട്ടും എന്നാണ് താൻ പറഞ്ഞതെന്നായിരുന്നു കെ.ബാബുവിന്‍റെ മറുപടി. പിണറായിയും കോടിയേരിയും തന്നെ മതേതരത്വം പഠിപ്പിക്കാൻ ആയിട്ടില്ല. സി.പി.എം ആദ്യം മറുപടി പറയേണ്ടത് ബാലശങ്കറിന്‍റെ ആരോപണത്തിനാണെന്നും ബാബു പറഞ്ഞു.