ഇടുക്കി നേര്യമംഗലത്ത് കാട്ടാനക്കൂട്ടം; ജനവാസമേഖലയിലെത്തിയത് 16 ആനകൾ

ഇടുക്കി: നേര്യമംഗലം കാഞ്ഞിരവേലിയിൽ ജനവാസമേഖലയിൽ കാട്ടാനക്കൂട്ടമിറങ്ങി. 16 ആനകളാണ് ജനവാസമേഖലയിലെത്തിയത്. കൊച്ചി ധനുഷ്കോടി ദേശീയപാതയ്ക്ക് സമീപത്തായാണ് ആനകളുള്ളത്. കഴിഞ്ഞ ദിവസമാണ് കാഞ്ഞിരവേലിയിൽ കാട്ടാനയാക്രമണത്തിൽ ഇന്ദിരയെന്ന സ്ത്രീ കൊല്ലപ്പെട്ടത്. കൃഷിയിടത്തിലേക്ക് പോയപ്പോഴായിരുന്നു കാട്ടാന ആക്രമണം. രാഷ്ട്രീയ നിലപാടുകൾക്കുമപ്പുറം വന്യമൃഗശല്യത്തിന് ശാശ്വത പരിഹാരമുണ്ടാക്കണമെന്നാണ് നാട്ടുകാരുടെ ആവശ്യം.