നെടുമ്പാശ്ശേരി വിമാനത്താവളം നാല് ദിവസത്തേക്ക് അടച്ചു 

കനത്ത മഴയെ തുടർന്ന് നെടുമ്പാശ്ശേരി വിമാനത്താവളത്തിന്റെ പ്രവർത്തനം 4 ദിവസത്തേക്ക് നിർത്തിവെച്ചു .റൺവേയിലടക്കം വെള്ളം കയറിയതിനെ തുടർന്നാണ് സർവീസ് നിർത്തിവെച്ചത്. കനത്ത മഴയിൽ വിമാനത്താവളത്തിന്റെ ഇരു ഭാഗം ഭാഗത്തേയും മതിലുകൾ തകർന്നു.

നെടുമ്പാശേരി വിമാനത്താവളത്തിൽ ശനിയാഴ്ച ഉച്ചക്ക് 2 മണി വരെയാണ് സർവീസ് നിർത്തി വച്ചിരിക്കുന്നത്. കനത്ത മഴയെ തുടർന്ന് ഇന്ന് പുലർച്ചെ മൂന്ന് മണിക്കൂർ സർവീസ് നിർത്തി. പിന്നീട് സ്ഥിതി മോശമായതിനാൽ ഉച്ചക്ക് രണ്ട് മണി വരെ സർവീസ് നിർത്തുന്നതായി അറിയിച്ചു. എന്നാൽ റൺവേ അടക്കം മുങ്ങിയതോടെ 4 ദിവസത്തേക്ക് പൂർണമായും സർവീസ് നിർത്താൻ തീരുമാനിക്കുകയായിരുന്നു. വിമാനത്താവളത്തിന്റെ ഇരുവശങ്ങളിലുമുള്ള മതിലുകൾ തകർന്നു വീണു .വെള്ളം വലിയ മോട്ടർ ഉപയോഗിച്ച് പമ്പ് ചെയ്യുന്നതിനിടയിലാണ് മതിലുകൾ തകർന്നത്. മതിൽ തകർന്ന പ്രദേശത്തുകൂടി വലിയ തോതിൽ വെള്ളം പുറത്തേക്കൊഴുകി. ഹജ്ജ് തീർത്ഥാടകരടക്കമുള്ള യാത്രക്കാർ വിമാനത്താവളത്തിൽ കുടുങ്ങി.