അട്ടപ്പാടിയിലേക്ക് മദ്യം ഒഴുകുന്നു; ഈ വർഷം പിടികൂടിയത് 39000 ലിറ്റർ വാഷ്

മദ്യ നിരോധിത മേഖലയായിട്ടും അട്ടപ്പാടിയിലെ ആദിവാസി ഊരുകളിൽ സുലഭമായി മദ്യം എത്തുന്നു. മദ്യം ഊരുകളിൽ എത്തിക്കാൻ പ്രത്യേക സംഘങ്ങൾ പ്രവർത്തിക്കുന്നുണ്ടെന്നാണ് സാമൂഹ്യ പ്രവർത്തകർ പറയുന്നത്. 39,500 ലിറ്റർ വാഷാണ് ഈ വർഷം എക്സൈസ് വകുപ്പ് പിടിച്ചെടുത്തത്.

സമ്പൂർണ്ണ മദ്യനിരോധനം ഉള്ള പ്രദേശത്താണ് ഈ വിധം മദ്യം ഒഴുകുന്നത്. ഊരുകളിൽ അനധികൃതമായി മദ്യം എത്തിക്കാൻ നിരവധി സംഘങ്ങൾ പ്രവർത്തിക്കുന്നുണ്ട്.

ആനക്കട്ടി അതിർത്തിക്കപ്പുറത്ത് തമിഴ്നാട്ടിലെത്തി ബിവറേജിൽ നിന്നും , ബാറിൽ നിന്നും മദ്യം കഴിക്കുന്നവരും അനവധിയാണ്. ചാരായംവാറ്റും , പുകയില ഉൽപന്നങ്ങളുടെ ഉപയോഗവും വ്യാപകമാണ്. 215 ലിറ്റർ ഇന്ത്യൻ നിർമ്മിത മദ്യവും , 60 ലിറ്റർ ചാരയവും പിടികൂടി. 165 കഞ്ചാവ് ചെടികൾ ഈ വർഷം നശിപ്പിച്ചു.

അതിർത്തിയിൽ എക്സൈസ് ചെക്ക്പോസ്റ്റ് ഉണ്ടെങ്കിലും ഊട് വഴികളിലൂടെയാണ് മദ്യം ഊരുകളിൽ എത്തിക്കുന്നത്. അട്ടപാടിയിലെ ജനമൈത്രി എക്സൈസ് സ്റ്റേഷൻ വഴി ബോധവൽക്കരണ പ്രവർത്തനങ്ങൾ നടത്തുനതായി എക്സെസ് ഉദ്യോഗസ്ഥർ പറയുന്നു.

Summary : Alcohol flows into Attappadi; This year 39000 liters of wash was caught