കൊച്ചിയിൽ നടക്കാനിറങ്ങിയ നടിയെ കടന്നുപിടിച്ചു; ഐടി സ്ഥാപനത്തിന്റെ മാനേജര്‍ അറസ്റ്റില്‍

എറണാകുളം: കൊച്ചിയിൽ സിനിമ നടിക്കുനേരെ ലൈംഗിക അതിക്രമം നടത്തിയ പ്രതി അറസ്റ്റിൽ. കതൃക്കടവ് സ്വദേശി വിപിൻ റോയിയെയാണ് പാലാരിവട്ടം പൊലീസ് പിടികൂടിയത്.

വ്യാഴാഴ്ച വൈകിട്ട് കലൂർ സ്റ്റേഡിയ പരിസരത്ത് നടക്കാൻ എത്തിയപ്പോഴായിരുന്നു നടിയെ പിന്തുടർന്നു ശല്യം ചെയ്യുകയും കടന്നുപിടിച്ച് അപമാനിക്കുകയും ചെയ്തത്.എംബിഎ ബിരുദധാരിയായ വിപിൻ കാക്കനാട്ടെ ഐടി സ്ഥാപനത്തിലെ മാനേജരാണ്.

കതൃക്കടവിലെ വീട്ടിലെത്തിയ പ്രതിയെ അവിടെ വെച്ചാണ് പൊലീസ് പിടികൂടിയത്. കോടതിയിൽ ഹാജരാക്കിയ റിമാൻഡ് ചെയ്തു.