തുടർഭരണം ഫാസിസ്റ്റ് മനോഭാവം ഉണ്ടാക്കും; ബി.അശോക് ഐഎഎസ്

തിരുവനന്തപുരം: തുടർഭരണം ഫാസിസ്റ്റ് മനോഭാവം ഉണ്ടാക്കുമെന്ന് ബി.അശോക് ഐഎഎസ്. തുടർ ഭരണാനുഭവം വ്യക്തികളിലും കക്ഷികളിലും ഫാസിസ്റ്റ് മനോഭാവം ഉണ്ടാക്കുന്നുണ്ട്. സുതാര്യമായ ജനാധിപത്യത്തിന് വോട്ടർമാർ ജാഗ്രത കാണിക്കണം. കേരള ശബ്ദം ലേഖനത്തിലാണ് അശോകിന്റെ വിമർശനം.

ആഭ്യന്തരവകുപ്പിനെതിരെയും ലേഖനത്തിൽ രൂക്ഷ വിമർശനമുണ്ട്. എം ടി വാസുദേവൻ നായർ നൽകിയ മുന്നറിയിപ്പും സച്ചിദാനന്ദൻ വളച്ചുകെട്ടില്ലാതെ പറഞ്ഞതും തുടർച്ചയായ ഭരണാനുഭവം വ്യക്തികളിലും കക്ഷികളിലും വരുത്തുന്ന ഫാസിസ്റ്റ് മനോഭാവത്തെ പറ്റിയാണ്. അഭിപ്രായങ്ങൾ വ്യക്തിപരമാണെന്നും ലേഖനത്തിന്‍റെ അവസാനത്തിൽ അശോക് പറയുന്നുണ്ട്.. നിലവിൽ സൈനിക ക്ഷേമവകുപ്പിന്‍റെ പ്രിൻസിപ്പൽ സെക്രട്ടറിയാണ് ബി. അശോക്.