കോഴിക്കോട് പേരാമ്പ്രയിൽ കോൺഗ്രസ് വിമത സ്ഥാനാർഥിക്ക് വധഭീഷണിയെന്ന് പരാതി

കോഴിക്കോട്: കോഴിക്കോട് പേരാമ്പ്രയിൽ കോൺഗ്രസ് റിബൽ സ്ഥാനാർഥിക്ക് വധഭീഷണിയെന്ന് പരാതി. ചെറുവണ്ണൂർ പഞ്ചായത്ത് 13-ാം വാർഡിൽ മത്സരിക്കുന്ന നന്ദൻ ആണ് പരാതി നൽകിയത്. പത്രിക പിൻവലിച്ചില്ലെങ്കിൽ കുടുംബം അനാഥമാകുമെന്നാണ് ഭീഷണി.

ബൈക്കിൽ എത്തിയ രണ്ടുപേർ ഭീഷണിപ്പെടുത്തിയെന്നാണ് പരാതി. കോൺഗ്രസ് സീറ്റ് നൽകാത്തതിനെ തുടർന്ന് നന്ദൻ വിമതനായി മത്സരിക്കുകയായിരുന്നു. മേപ്പയൂർ പൊലീസ് അന്വേഷണം ആരംഭിച്ചു.