പാർട്ടിയില്‍ അവ​ഗണന; കോൺ​ഗ്രസ് നേതാവ് എം.എസ് അനിൽകുമാർ ബിജെപിയിൽ

തൃശൂർ: തൃശൂരിലെ കോൺ​ഗ്രസ് നേതാവ് എം.എസ് അനിൽകുമാർ ബിജെപിയിൽ ചേർന്നു. ഡിസിസി വൈസ് പ്രസിഡന്റായിരുന്നു. തിരുവനന്തപുരത്ത് നടന്ന ചടങ്ങിലാണ് അനിൽകുമാർ ബിജെപിയിൽ ചേർന്നത്. കോൺ​ഗ്രസിൽ കടുത്ത അവ​ഗണന നേരിട്ടുവെന്ന് അനിൽകുമാർ പറഞ്ഞു.

ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറാണ് പാർട്ടിയിലേക്ക് സ്വീകരിച്ചത്. കോൺ​ഗ്രസിൽ മൂല്യചുതി ആണെന്നും കൊച്ചനിയൻ കൊലക്കേസിലെ പ്രതിയെന്ന ലേബൽ മാത്രമാണ് കോൺ​ഗ്രസിൽ നിന്ന് തനിക്ക് ലഭിച്ചതെന്നും അനിൽകുമാർ പറഞ്ഞു.