ലീഗിനെതിരെ കോൺഗ്രസ്‌ വിമതർ; കോൺഗ്രസിനെതിരെ റിബലുകളെ നിർത്തുമെന്ന് ലീഗ്; പുനലൂർ യുഡിഎഫിൽ പ്രതിസന്ധി

കൊല്ലം: പുനലൂർ യുഡിഎഫിൽ പ്രതിസന്ധി രൂക്ഷം. വിമത സ്ഥാനാർഥിത്വത്തിൽ നിന്ന് പിന്മാറാതെ കോൺഗ്രസ്‌ നേതാക്കൾ. കെ. സി വേണുഗോപാൽ ഇടപെട്ടിട്ടും പിന്മാറാതെ നേതാക്കൾ. മത്സരിക്കുമെന്ന നിലപാട് തുടർന്ന് ഡിസിസി ട്രഷററും യുഡിഎഫ് നിയോജക മണ്ഡലം ചെയർമാനും നഗരസഭ കൗൺസിലറുമായ നെൽസൺ സെബാസ്റ്റ്യൻ.

മണ്ഡലം ഇത്തവണയും മുസ്‍ലിം ലീഗിന് നൽകിയതിൽ പ്രതിഷേധിച്ചാണ് തീരുമാനം. സ്ഥാനാർഥിയുടെ തെരഞ്ഞെടുപ്പ് യോഗത്തിൽ നിന്ന് കോൺഗ്രസ്‌ നേതാക്കൾ വിട്ടുനിന്നിരുന്നു. അതേസമയം, പുനലൂരിൽ കോൺഗ്രസ്‌ റിബൽ പിന്മാറിയില്ലെങ്കിൽ കടുത്ത നടപടിയിലേക്ക് കടക്കാനാണ് ലീഗ് തീരുമാനം. ജില്ലയിലെ കോൺഗ്രസിന് സ്ഥാനാർഥികൾക്ക് എതിരെ റിബലുകളെ നിർത്തുമെന്ന് ലീഗ് നേതാക്കൾ പറയുന്നു.

വിമത സ്ഥാനാർഥി കഴിഞ്ഞ ദിവസം വോട്ട് തേടി മണ്ഡല പര്യടനം നടത്തി. യുഡിഎഫ് സംസ്ഥാന നേതൃത്വവും പ്രശ്നം പരിഹരിക്കാൻ ഇടപെട്ടു.