കമ്യൂണിസ്റ്റ് ശൈലി ഇല്ല, അണികളുടെ പിന്തുണയില്ല; പി.കെ ശ്യാമളയുടെ സ്ഥാനാർഥിത്വത്തിൽ തളിപ്പറമ്പ് മണ്ഡലം കമ്മിറ്റിയിൽ വിമർശനം

കണ്ണൂർ: പി.കെ ശ്യാമളയുടെ സ്ഥാനാർഥിത്വത്തിൽ സിപിഎം തളിപ്പറമ്പ് മണ്ഡലം കമ്മിറ്റിയിൽ വിമർശനം. ശ്യാമളക്ക് കമ്യൂണിസ്റ്റ് ശൈലി ഇല്ലെന്ന് അം​ഗങ്ങൾ പറഞ്ഞു. അനുഭാവികളുടെയും അണികളുടെയും പിന്തുണ ശ്യാമളക്കില്ലെന്നും മയ്യിൽ മേഖലയിൽ നിന്നുള്ള അം​ഗങ്ങൾ വിമർശിച്ചു. പി.ജയരാജനാണ് മണ്ഡലം കമ്മിറ്റിയുടെ ചുമതല.

നേരത്തെ സാമൂഹിക മാധ്യമത്തിലും സ്ഥാനാർഥിത്വത്തിനെതിരെ വിമർശനമുയർന്നിരുന്നു. തിങ്കളാഴ്ച മുതൽ പി.കെ ശ്യാമള തെരഞ്ഞെടുപ്പ് പ്രചാരണത്തിനിറങ്ങിയേക്കും എന്നാണ് സൂചന.