എം.എം മണിയുടേത് മാന്യതക്ക് നിരക്കാത്ത പ്രസ്താവനയെന്ന് ഡീൻ കുര്യാക്കോസ് എം.പി
''എം.എം മണിയുടെ ചിലവിൽ അല്ല ഇടുക്കിയിലെ ജനപ്രതിനിധികൾ ജീവിക്കുന്നത്. സ്പൈസസ് പാർക്ക് ഉദ്ഘടനത്തിൽ പങ്കെടുക്കാഞ്ഞത് നേരെത്തെ അറിയിക്കാത്തത് കൊണ്ട്''
ഇടുക്കി: എം.എം മണിയുടേത് മാന്യതക്ക് നിരക്കാത്ത പ്രസ്താവനയെന്ന് ഡീൻ കുര്യാക്കോസ് എം.പി. എം.എം മണി പ്രസ്താവന പിൻവലിച്ച് മാപ്പ് പറയണമെന്നും ഡീന്‍ കുര്യാക്കോസ് വ്യക്തമാക്കി.
എം.എം മണി ഇടുക്കി ജില്ലക്ക് അപമാനവും അധിക ബാധ്യതയുമായി മാറി. എം.എം മണിയുടെ ചിലവിൽ അല്ല ഇടുക്കിയിലെ ജനപ്രതിനിധികൾ ജീവിക്കുന്നത്. സ്പൈസസ് പാർക്ക് ഉദ്ഘടനത്തിൽ പങ്കെടുക്കാഞ്ഞത് നേരെത്തെ അറിയിക്കാത്തത് കൊണ്ടെന്നും ഡീന്‍ കുര്യാക്കോസ് എം.പി പറഞ്ഞു.
ചടങ്ങിൽ പങ്കെടുക്കാത്ത പി.ജെ.ജോസഫ് എം.എൽ.എ, ഡീൻ കുര്യക്കോസ് എം.പി. എന്നിവർക്കെതിരെ എം.എം.മണി രൂക്ഷ വിമർശനമുന്നയിച്ചിരുന്നു.
തൊടുപുഴക്കാരുടെ ഗതികേടാണ് പി.ജെ. ജോസഫെന്നായിരുന്നു എം.എം മണിയുടെ പരാമര്‍ശം. അദ്ദേഹം നിയമസഭയില്‍ കാലുകുത്തുന്നില്ലെന്നും വോട്ടര്‍മാര്‍ ജോസഫിന്റെ വീട്ടിലേക്ക് മാര്‍ച്ച് നടത്തണമെന്നും അദ്ദേഹം വ്യക്തമാക്കിയിരുന്നു. ഇതിനെതിരെയാണ് ഇപ്പോള്‍ ഡീന്‍ കുര്യാക്കോസ് എം.പി രംഗത്ത് എത്തിയിരിക്കുന്നത്.
Adjust Story Font
16
