പോപ്പുലർ ഫ്രണ്ട് മുൻ ചെയർമാൻ ഇ.അബൂബക്കർ ഗുരുതരാവസ്ഥയിലെന്ന് കുടുംബം

കോഴിക്കോട്: പോപ്പുലർ ഫ്രണ്ട് മുൻ ചെയർമാൻ ഇ.അബൂബക്കർ ഗുരുതരാവസ്ഥയിലെന്ന് കുടുംബം. രണ്ട് ദിവസമായി അദ്ദേഹം ആശുപത്രിയിൽ ക്രിട്ടിക്കൽ കെയർ വിഭാഗത്തിൽ ചികിത്സയിലാണെന്ന് മകൾ ഫേസ്ബുക്കിൽ കുറിച്ചു.

നെഞ്ചിലെ അണുബാധയും കടുത്ത ചുമയുമുണ്ട്. രക്തസമ്മർദവും ഷുഗർ ലെവലും മാറിക്കൊണ്ടിരിക്കുകയാണ്. രക്തത്തിലെ ഓക്‌സിജന്റെ അളവും കുറഞ്ഞിരിക്കുകയാണെന്നും മകൾ പറഞ്ഞു. പിതാവിന് കൂടുതൽ മെച്ചപ്പെട്ട ചികിത്സ ലഭ്യമാകാനും രോഗശമനത്തിനും എല്ലാവരും പ്രാർഥിക്കണമെന്നും അവർ അഭ്യർഥിച്ചു.