ചിന്നക്കനാലിൽ തോട്ടം തൊഴിലാളികളുമായി പോയ ജീപ്പ് മറിഞ്ഞ് എട്ടുപേർക്ക് പരിക്ക്

ഇടുക്കി: ചിന്നക്കനാലിൽ ജീപ്പ് മറിഞ്ഞ് എട്ട് പേർക്ക് പരിക്ക്. തോട്ടത്തിലെ ജോലിക്കായി സൂര്യനെല്ലിയിൽ നിന്നും തൊഴിലാളികളുമായി പുറപ്പെട്ട ജീപ്പാണ് അപകടത്തിൽപെട്ടത്. പരിക്കേറ്റ ഒരാളുടെ നില ഗുരുതരമാണ്.

10 പേരാണ് വാഹനത്തിൽ ഉണ്ടായിരുന്നത്. ജീപ്പിന്റെ നിയന്ത്രണം നഷ്ടമായതാണ് അപകടത്തിന് കാരണമെന്നാണ് ലഭിക്കുന്ന വിവരം. പരിക്കേറ്റവരെ വിവിധ ആശുപത്രികളിലായി പ്രവേശിപ്പിച്ചിട്ടുണ്ട്.