മാളയിൽ പടക്ക നിർമാണ ശാലയിൽ പൊട്ടിത്തെറി; രണ്ടുപേർക്ക് പൊള്ളലേറ്റു

തൃശൂർ: തൃശൂർ മാളയിൽ പടക്ക നിർമാണ ശാലയിൽ പൊട്ടിത്തെറി. ഓലപ്പടക്കം മാലയായി കെട്ടുന്നതിനിടെയാണ് അപകടമുണ്ടായത്. രണ്ട് പേർക്ക് പൊള്ളലേറ്റു. പൊയ്യ സ്വദേശികളായ ഉണ്ണികൃഷ്ണൻ (56), സുഹൃത്ത് അനൂപ് ദാസ് ( 34 ) എന്നിവർക്കാണ് പൊള്ളറ്റേത്. പൊള്ളലേറ്റവരെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

ലൈസൻസ് ഇല്ലാതെയാണ് ഇവർ പ്രവർത്തിച്ചിരുന്നതെന്ന് പോലീസ് അറിയിച്ചു.