മലപ്പുറത്ത് ഒരു ബ്ലോക്ക് പഞ്ചായത്ത് ഡിവിഷനിലേക്ക് യുഡിഎഫിൽ നാല് സ്ഥാനാർഥികൾ

മലപ്പുറം: മലപ്പുറം താനൂർ ബ്ലോക്ക് പഞ്ചായത്തിലെ തലക്കടത്തൂർ ഡിവിഷനിലേക്ക് മത്സരിക്കാൻ യുഡിഎഫിൽ നിന്ന് നാല് പേർ. കോൺഗ്രസിൽ നിന്ന് മൂന്ന് പേരും, ലീഗിൽ നിന്ന് ഒരാളുമാണ് നാമനിർദേശപത്രിക നൽകിയത്.‌

കോൺഗ്രസിന് അനുവദിച്ച സീറ്റിൽ കോൺഗ്രസ് ഔദ്യോഗിക സ്ഥാനാർഥിയെ ഇത് വരെ തീരുമാനിച്ചിട്ടില്ല. കോൺ​ഗ്രസ് നേതാവ് പി. ടി നാസർ, പി. എച്ച് അലി ഹാജി. സമദ് മുത്താനിക്കാട്. ലീ​ഗ് നേതാവ് ഷൗക്കത്ത് എന്നിവരാണ് മത്സരിക്കുന്നത്.

നാലുപേരുടെ നോമിനേഷനുകളും സ്വീകരിച്ചു. സ്ഥാനാർഥിയെ വേ​ഗത്തിൽ പ്രഖ്യാപിക്കുമെന്ന് കോൺഗ്രസ് അറിയിച്ചു.