കുറയാതെ പൊന്ന്; പവന് 1640 രൂപ കൂടി

കൊച്ചി: സ്വര്‍ണ വിലയിിൽ വീണ്ടും വര്‍ധനവ്. പവന് 1640 രൂപ കൂടി. 1,16480 രൂപയാണ് ഒരു പവന്‍റെ വില.

അന്താരാഷ്ട്ര വിപണിയിൽ യുഎസ് ഡോളർ ദുർബലമാകുന്നതാണ് സ്വര്‍ണ വില വര്‍ധിക്കാനുളള മറ്റൊരു പ്രധാന കാരണം. ഡോളർ ഇൻഡക്സിലുണ്ടാകുന്ന ഇടിവ് സ്വർണത്തെ നിക്ഷേപകർക്ക് കൂടുതൽ ആകർഷകമാക്കുന്നു. മിഡിൽ ഈസ്റ്റിലെ അസ്ഥിരതയും ഇറാൻ-യുഎസ് ബന്ധത്തിലെ വിള്ളലുകളും നിക്ഷേപകരെ ആശങ്കയിലാഴ്ത്തുന്നു. ഇത്തരം പ്രതിസന്ധി ഘട്ടങ്ങളിൽ സുരക്ഷിത നിക്ഷേപം എന്ന നിലയിൽ സ്വർണത്തിലേക്ക് നിക്ഷേപം ഒഴുകുന്നത് വില കൂടാൻ കാരണമാകുന്നു.

സ്വര്‍ണ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്‍ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്‍മാര്‍ക്ക് ചാര്‍ജ്, അതിന് 18 ശതമാനം നികുതി എന്നിവയും ചേര്‍ത്ത് 1,30,397 രൂപയെങ്കിലും നല്‍കിയാലാണ് ഒരു പവന്‍ ആഭരണം കടയില്‍ നിന്ന് വാങ്ങാനാകുക. ഡിസൈന്‍ അനുസരിച്ച് പണിക്കൂലിയിലും വ്യത്യാസമുണ്ടാകും.