ചുവന്ന കൊടി പിടിച്ചാൽ കമ്മ്യൂണിസ്റ്റ് ആകില്ല- ജി.സുധാകരൻ

ആലപ്പുഴ: ചുവന്ന കൊടി പിടിച്ചാൽ കമ്മ്യൂണിസ്റ്റ് ആകില്ലെന്ന് ജി.സുധാകരൻ. എം.എ ബേബി പറഞ്ഞത് മറ്റുള്ളവർ ലംഘിച്ചു. വർഗ വഞ്ചകനെന്ന് വരെ ചിലർ തന്നെ വിളിച്ചു. ജില്ലാ സെക്രട്ടറി ആർ.നാസറും എച്ച്.സലാം എംഎൽഎയുമാണ് തനിക്ക് എതിരെയുള്ള പ്രവർത്തനങ്ങൾക്ക് ചുക്കാൻ പിടിക്കുന്നത്. താൻ ആരെ കൊണ്ടും ആരെയും ചീത്ത വിളിപ്പിച്ചിട്ടില്ലെന്നും ജി.സുധാകരൻ. രാഷ്ട്രീയവും പ്രത്യശാസ്ത്രപരമായ കാര്യങ്ങൾ ഉന്നയിക്കുമ്പോൾ എന്നെ നേരിടും എന്നാണ് പറയുന്നത്. പാർട്ടിയിൽ നിന്നുകൊണ്ടുള്ള പാർട്ടി വിരുദ്ധ പ്രവർത്തനത്തിനെതിരെയാണ് താൻ മത്സരിക്കുന്നതെന്നും ജി.സുധാകരൻ പറഞ്ഞു.